میرے ہونٹوں پر ثنا ہے احمدِ مختار کی
ہو گئی چشمِ کرم مجھ پر شہِ ابرار کی
Mere honton par sana hai Ahmad-e-Mukhtar ki
Ho gayi chashm-e-karam mujh par shah-e-abrar ki
نعت کے صدقے ملی ہیں دو جہاں کی نعمتیں
اور تو اوقات کیا تھی میری اوگن ہار کی
Naat ke sadqe mili hain do jahan ki naimatein
Aur to auqaat kya thi meri ogun har ki
روشنی سے بھرگئی ہیں زندگی کی ساعتیں
جب سے دیکھی ہے ضیا اس مہبطِ انوار کی
Roshni se bhar gayi hain zindagi ki sa'aatain
Jab se dekhi hai zia iss mahbat-e-anwar ki
شہرِ بطحا کی ہواؤں سے ہوئی ہے دوستی
مشک دے جاتی ہیں مجھ کو گنبد و مینار کی
Shehr-e-Bat'ha ki hawao se hui hai dosti
Mushk de jaati hain mujhe gunbad o minar ki
کاش پوری ہو کبھی میرے بھی دل کی آرزو
زندگی میں پھر کبھی ہو حاضری دربار کی
Kaash poori ho kabhi mere bhi dil ki aarzoo
Zindagi mein phir kabhi ho haazri darbar ki
دل تڑپتا ہے سنہری جالیوں کو دیکھ لوں
یاد آتی ہے بہت روشن در و دیوار کی
Dil tadapta hai sunhari jaliyon ko dekh loon
Yaad aati hai bohot roshan dar o deewaar ki
جب سے دیکھا ہے مدینہ اور کچھ بھاتا نہیں
پھیکی لگتی ہیں مجھے اب رونقیں سنسار کی
Jab se dekha hai Madina aur kuch bhata nahi
Phiki lagti hain mujhe ab rounaqin sansar ki
گر مقدر رنگ لائے جا بسوں طیبہ نگر
ہر گھڑی کرتی رہوں میں چاکری سرکار کی
Gar muqaddar rang laaye ja basun taiba nagar
Har ghari karti rahun mein chakri Sarkar ki
ناز کے بس میں کہاں توصیف ان کی کرسکوں
آیتوں میں ہے گواہی آپ کے کردار کی
Naaz ke bas mein kahaan toseef in ki kar sakun
Aayaton mein hai gawahi aap ke kirdar ki
Share This Naat
Share with friends and family
میرے ہونٹوں پر ثنا ہے احمدِ مختار کی
صفیہ ناز