کوثر کی حلاوت ہے مری تشنہ لبی میں
مصروف ہوں میں مدحِ رسُولِؐ عربی میں
Kosar ki halawat hai meri tashnah labi mein
Masroof hoon mein madah-e-Rasool-e Arabi mein
تنہائی میں دمساز ہے اُس مہ کا تصوّر
کیوں موجِ ضیا ہو نہ مری تیرہ شبی میں
Tanhai mein damsaaz hai us meh ka tasawwur
Kyun mauj-e-zia ho na meri teera shabi mein
ہے حُسن بھی ، اخلاق بھی ، رحمت بھی ، کرم بھی
مکّی ، مَدنی ، ہاشمی و مطّلبی میں
Hai husn bhi, ikhlaq bhi, rehmat bhi, karam bhi
Makki, Madni, Hashmi o Matlabi mein
ہر حُسن کا محور ہے وہ اک ذاتِ مقدّس
ہر علم کا جوہر ہے اُس اُمّی لقبی میں
Har husn ka mehawar hai wo ek zaat-e-Muqaddas
Har ilm ka johar hai us Ummi laqabi mein
ہر ذرّہ نظر آتا ہے خورشید بداماں
جلوے ہیں کئی طُور نما کوئے نبیؐ میں
Har zarrah nazar aata hai khursheed badaaman
Jalwe hain kai toor numa kooye Nabi mein
کِس آنکھ نے دیکھا ہے کوئی آپؐ کا ہمسر
کس کو ہے کلام آپ کی عالی نسبی میں
Kis aankh ne dekha hai koi aap ka hamsar
Kis ko hai kalam aap ki aali nasbi mein
اے چشم کَرم ، تیری مسیحائی کے قرباں
ہے کوئی کمی میری ہی درماں طلبی میں
Ae chashm karam, teri Maseehai ke qurbaan
Hai koi kami meri hi darmani talabi mein
اعظؔم بڑی نعمت ہے یہ رونا ، یہ تڑپنا
شامل ہے مرا درد سکونِ قلبی میں
Aazam badi naimat hai ye rona, ye tadapna
Shaamil hai mera dard sukoon-e qalbi mein
Share This Naat
Share with friends and family
کوثر کی حلاوت ہے مری تشنہ لبی میں
محمد اعظم چشتی