جب بھی اٹھ جاتے ہیں رحمت لیے ابروئے نبی
مغفرت دیکھنے لگتی ہے تبھی سوئے نبی
Jab bhi uth jaate hain rehmat liye abru'e Nabi
Maghfirat dekhne lagti hai tabhi su'e Nabi
اس کی آنکھوں میں جچے کیسے چمن جنت کا
دیکھ آیا ہے جو ایک بار کبھی کوئے نبی
Us ki aankhon mein jache kaise chaman jannat ka
Dekh aaya hai jo ek bar kabhi koe Nabi
یاد فرمائی ہیں قرآن نے جس کی قسمیں
شرحِ والشمّس ہے تفسیرِ ضحیٰ روئے نبی
Yaad farmayi hain Quran ne jis ki qasmein
Sharah-e-walshams hai tafseer-e-duha rou'e Nabi
نکہتیں جن کی سرِ عرش رچیں اسریٰ میں
مشک کو خوشبو عطا کرتے ہیں گیسوئے نبی
Nikhatein jin ki sar-e-arsh rachein isra mein
Mushk ko khushbu ata karte hain gesu'e Nabi
حرزِ جاں وردِ زباں یہ مرے آقا کی رہیں
آئے قرآن کی آیات سے خوشبوئے نبی
Harz-e-jaan warde zuban ye mere aaqa ki rahein
Aaye Quran ki ayat se khushbu'e Nabi
شاخ در شاخ کا اعجاز اسی میں دیکھا
زندگی کی نئی برہان ہے ہر موئے نبی
Shaakh dar shaakh ka aijaaz isi mein dekha
Zindagi ki nayee burhan hai har mo'e Nabi
حشر میں پیاس بجھائے گی جو ہم پیاسوں کی
حوضِ کوثر سے ہے موسوم وہی جوئے نبی
Hashr mein pyaas bujhae gi jo hum pyaason ki
Hoz-e-kausar se hai mausoome wahi joe Nabi
لطف و اکرام کے اوصاف ہیں اس میں مضمر
دشمنوں پر بھی ہے رحمت کی گھٹا خوئے نبی
Lutf o ikram ke ausaf hain is mein muzmar
Dushmanon par bhi hai rehmat ki ghata khou'e Nabi
نظمی بس ایک صدا ہوگی یہی محشر میں
اے گنہگارو بڑھو تھام لو بازوئے نبی
Nazmi bas ek sada hogi yehi mahshar mein
Ae gunehgaaro, barho thaam lo bazu'e Nabi
Share This Naat
Share with friends and family
جب بھی اٹھ جاتے ہیں رحمت لیے ابروئے نبی
سید آل رسول حسنین میاں برکاتی نظمی