خون آلودہ تن حسین کا ہے
چھلنی چھلنی بدن حسین کا ہے
Khoon aaloodah tan Hussain ka hai
Chhalni chhalni badan Hussain ka hai
جب کہ شاہِ زمن حسین کا ہے
یہ زمیں کیا گگن حسین کا ہے
Jab ke shah-e-zaman Hussain ka hai
Yeh zameen kya gagan Hussain ka hai
جنتیں ساری مصطفے کی ہیں
اور اجارہ حسن حسین کا ہے
Jannatein saari Mustafa ki hai
Aur ajarah Hasan Hussain ka hai
مرحبا ، خوب بر سرِ نیزہ
قرآں پڑھنےکا فن حسین کا ہے
Marhaba, khoob bar sar-e-naiza
Qur'an parhnay ka fun Hussain ka hai
مفلسی کیا مِرا بگاڑے گی
میرےدامن میں دھن حسین کا ہے
Muflisi kya mera bigaare gi
Mere daaman mein dhan Hussain ka hai
جس پہ اتری ہے آیتِ تطہیر
وہ گھرانہ حسن حسین کا ہے
Jis pe utri hai Ayat-e-Tatheer
Wo gharana Hasan Hussain ka hai
آئینہ ہے رسولِ اعظم کا
صاف شفاف من حسین کا ہے
Aaina hai Rasool-e-Azam ka
Saaf shafaq man Hussain ka hai
خون سے اپنے سینچنے کے عوض
لہلہاتا چمن حسین کا ہے
Khoon se apnay seenchnay ke ewaz
Lehlahata chaman Hussain ka hai
ہے زباں تو شفیقؔ آقا کی
اور شیریں دہن حسین کا ہے
Hai zabaan to Shafeeq aaqa ki
Aur sheerin dahan Hussain ka hai
Share This Naat
Share with friends and family
خون آلود تن حسین کا ہے
شفیق ؔ رائے پوری