لوحِ جہاں پہ فکر کی معراجِ فن کا نام
لِکّھا ہے پنجتن کی حسیں انجمن کا نام
سوچا خزاں کے عہد میں جب بھی چمن کا نام
آیا مری زباں پہ اِمامِ حسنؑ کا نام
جس نے خدا کے دین کی صورت اُجال دی
وحشی دلوں میں امن کی بنیاد ڈال دی
سرچشمۂ نجاتِ بشَر، حسنِ کردگار
اِنسانیت کے باغ میں پیغمبرِ بہار
حاجت روا، حسیں وہ اَنا مست بردبار
وہ اَمن و عافیت کی حکومت کا تاجدار
تشبیہہ دوں کسی سے مری کیا مجال ہے ؟
بس اِتنا کہہ رہا ہوں ، حَسن بے مثال ہے
Lauh-e jahan pe fikr ki m'raj-e fun ka naam
Likha hai Panjtan ki haseen anjuman ka naam
Socha khazan ke ahd mein jab bhi chaman ka naam
Aaya meri zabaan pe Imam-e Hasanؑ ka naam
Jis ne Khuda ke deen ki soorat ujaal di
Wahshi dilon mein aman ki bunyaad daal di
زہرؑا کا چاند، ابنِ علیؑ، مصطفےٰؐ کا نور
جس کی جبیں سے پھُوٹ رہی ہے شعاعِ طُور
رقصاں ہے جس کی آنکھ میں ادراک کا سرور
جس کی ہر اک ادا سے نمایاں نیا شعور
چپ رہ کے جس نے باگ حکومت کی موڑ دی
کھولی زباں تو ظلم کی زنجیر توڑ دی
Sarchashma-e najat-e bashar, husn-e Kirdgar
Insaniyat ke bagh mein Paighambar-e bahar
Hajat Rawa, haseen woh Ana mast bardabar
Woh aman-o-aafiyat ki hukoomat ka tajdaar
Tashbeeh du kisi se meri kya majaal hai?
Bas itna keh raha hoon, Hasan be-misaal hai
وہ مجتبےٰؑ وہ عالمِ لَوحِ فلک مقام
معراجِ فکر، سدرہ نظر عرشِ اِحتشام،
ایسا سخی، مَلک بھی کریں جس کا اِحترام
دشمن سے بھی لیا نہ کبھی جس نے اِنتقام
جِس نے دُعائے غیر کو تاثیر بخش دی
اپنے عدو کو اپنی ہی جاگیر بخش دی
Zahra ka chaand, ibn-e Aliؑ, Mustafaؐ ka noor
Jis ki jabeen se phoot rahi hai shua'a-e Toor
Raqsaan hai jis ki aankh mein idraak ka suroor
Jis ki har ek ada se numayaan naya sha'oor
Chip reh ke jis ne baag hukoomat ki morh di
Khooli zabaan to zulm ki zanjeer torh di
اللہ رے آب و تابِ رُخِ ابنِ بو تُرابؑ
اب تک خراج دے کے گزرتا ہے آفتاب
لَوحِ جبیں، وہ علمِ امامت کا ایک باب
رفتار میں وہ عدل کہ محشر بھی دے حساب
بازو ہیں اس طرح سے عطا پر تلے ہُوئے
جیسے فلک پہ صلح کے پرچم کھلے ہُوئے
Woh Mujtabaؑ woh aalam-e loh-e falak maqam
M'raj-e fikr, sidrah nazar arsh-e ihtisham,
Aisa sakhi, malak bhi karein jis ka ihtiraam
Dushman se bhi liya na kabhi jis ne intiqam
Jis ne du'a-e gher ko taseer bakhsh di
Apne adu ko apni hi jageer bakhsh di
کاکُل کی تیرگی سے مکمل ہر ایک رات
چہرے کی چاندنی سے درخشاں ہے کائنات
دیتے ہیں جان، جنبشِ ابرُو پہ معجزات
اَفْشا ہے ” رازِ کُن“ کہ کشادہ حسنؑ کا ہات
ہیں شاخِ گُل میں اوس کی بُوندیں اَڑی ہُوئی
یا زلفِ مجتبےٰؑ میں ہیں گِرہیں پڑی ہُوئی
Allah re aab-o-taab-e rukh-e ibn-e Bu Turabؑ
Ab tak khiraj de ke guzarta hai aabtaab
Lauh-e jabeen, woh ilm-e imamat ka ek baab
Raftar mein woh adal ke mahshar bhi de hisaab
Bazu hain is tarah se ata par tale hue
Jaise falak pe solah ke parcham khule hue
آنکھیں ہیں یا چراغ اَبد کی فصیل کے
پلکیں ہیں یا حروف لبِ جبرئیلؔ کے
عارِض ہیں یا کنول مہ و انجم کی جھیل کے
اَعضا ہیں یا نقوش خیالِ جمیل کے
چہرہ حَسنؑ کا ہے کہ شبیہہِ رسولؐ ہے
عالم تمام نقشِ کفِ پا کی دُھول ہے
Kaakul ki teeragi se mukammal har ek raat
Chehre ki chaandni se darakhshaan hai kainaat
Dete hain jaan, junbush-e aabroo pe mo'jizaat
Afsha hai "raaz-e kun" ke kashaada Hasanؑ ka haath
Hain shaakh-e gul mein os ki boondain adi hui
Ya zulf-e Mujtabaؑ mein hain girhain pari hui
یہ پھول پھول رنگ، طبیعت یہ باغ باغ
کونین پر محیط مزاجِ دل و دماغ
جس کی مئے اَنا سے پگھلنے لگے ایاغ
مہتاب حسنِ بندِ قبا سے ہے داغ داغ
جس کی مدد سے حق کی سدا برتری ہُوئی
جس کی قبا کو دیکھ کے دُنیا ہری ہُوئی
جو دلنشیں گریز کرے نام و ننگ سے
اِنساں کو تولتا نہ ہو تیر و تفنگ سے
جو آئینہ تراش لے وجدانِ سنگ سے
وہ اَمن آشنا، جسے نفرت ہو جنگ سے
صحرا، چمن کرے جو حدودِ چمن کے بعد
ایسا کوئی بشر نہیں دیکھا، حسنؑ کے بعد
Aankhein hain ya chiraagh abad ki faseel ke
Palken hain ya huroof lab-e Jibraeelؔ ke
Aariz hain ya kanwal mehv anjum ki jheel ke
A'aza hain ya naqosh khayaal-e jameel ke
Chehra Hasanؑ ka hai ke shabeeh-e Rasoolؐ hai
Aalam tamaam naqsh-e kaf-e pa ki dhool hai
جس کا سلوک، خلقِ نبیؐ کا سلام لے
حق دے کے جو عدو سے حقیقی مقام لے
دستِ اجل سے ہنس کے جو رختِ دوام لے
اِک جنبشِ قلم سے جو پرچم کا کام لے
سلطانیِ بہشت، جسے کردگار دے
وہ کیوں نہ تاج و تخت کو ٹھوکر پہ مار دے
Yeh phool phool rang, tabiyat yeh bagh bagh
Kownain par muhiit mizaaj-e dil o dimaagh
Jis ki mai-e ana se pighalne lage ayaag
Mehtaab hasan-e band-e qaba se hai daagh daagh
Jis ki madad se haq ki sada bartari hui
Jis ki qaba ko dekh ke duniya hari hui
ٹکرائے گا حسنؑ سے کہاں کوئی بے نسب
یہ وجہِ ذوالجلال وہ اِبلیس کا غضب
حیدرؑ کہاں، کہاں کوئی فرزندِ بنتِ شب
زہراؑ سے کیا ملے کوئی حَمَّالۃَ الْحَطَب
بیعت کی بحث ہی سرِ محفل فضول ہے
وہ پیکرِ خطا تو یہ ابنِ رسُولﷺ ہے
Jo dilnasheen guraiz kare naam-o-nang se
Insaan ko tolta na ho teer-o-tufang se
Jo aaina taraash le wijdaan-e sang se
Woh aman aashna, jise nafrat ho jang se
Sehra, chaman kare jo hudood-e chaman ke baad
Aisa koi bashar nahi dekha, Hasanؑ ke baad
گردِ خزف کجا، رُخِ دُرِ نجف کُجا
قطرہ کجا، یہ قلزمِ کوثر بکف کجا
دَریوزہ گر کجا، شہِ عالی شرف کجا
کنکر کجا، یہ جوہرِ حسنِ صدف کجا
تحت الثّریٰ کو ہمسرِ عرشِ علا کہوں ؟
دنیا، ترے ضمیری کی پستی کو کیا کہوں ؟
Jis ka salook, khalq-e Nabiؐ ka salaam le
Haq de ke jo adu se haqeeqi maqam le
Dast-e ajal se hans ke jo rakht-e dawaam le
Ek junbish-e qalam se jo parcham ka kaam le
Sultaanee-e behisht, jise Kirdgar de
Woh kyon na taaj-o-takht ko thoker pe maar de
اے شہسوارِ دوشِ پیمبر مرے اِمام
اے والیِ بہشِتِ بریں، رحمتِ تمام
تُو نے پِیا ہے زہر سے لبریز غم کا جام
تجھ کو غرورِ عظمتِ سقراط کا سلام
انساں کو آشتی کا قرینہ سِکھا دیا
تو نے دِلوں کو چین سے جینا سِکھا دیا
Takraaye ga Hasanؑ se kahan koi be-nasab
Yeh wajah-e Zuljalal woh Iblees ka ghazab
Haiderؑ kahan, kahan koi farzand-e bint-e shab
Zahraؑ se kya mile koi Hammalat al-Hatab
Bai't ki behas hi sar-e mehfil fazool hai
Woh paikar-e khata to yeh ibn-e Rasulﷺ hai
عالم میں ہے نجاتِ بشر کی نِوید تُو
محشر میں بابِ خلدِ بریں کی کلید تُو
دوبار راہِ حق میں ہُوا ہے شہید تُو
جنت تو کیا ہے، عرشِ معلّٰی خرید تو
کیا زہر کم تھا، تلخ کلامی کے واسطے ؟
اَب تِیر آرہے ہیں سلامی کے واسطے
کیوں بجھ گیا چراغ نبیؐ کے مزار کا ؟
کیوں رنگ اُڑ گیا ہے غمِ روزگار کا
بڑھتا ہے اِضطراب دلِ سوگوار کا
پردے میں شور کیوں ہے کسی پردہ دار کا
پھر زخم ہو گیا کوئی تازہ الٰہی خیر
پھر گھر کو آرہا ہے جنازہ، الٰہی خیر
Gird-e khazaf kahan, rukh-e dur-e najaf kahan
Qatra kahan, yeh qulzam-e kausar bakaf kahan
Daryozah gar kahan, shah-e aali-sharf kahan
Kankar kahan, yeh johar-e husn-e sadaf kahan
Tahat al-saraa ko hamsar-e arsh-e a'la kahoon?
Duniya, tere zamee'ri ki pasti ko kya kahoon?
زہراؑ کے لالؑ، تیرے چمن کو مرا سلام
تیری ہر اِک اُداس بہن کو مرا سلام
عباسؑ کی جبیں کی شِکن کو مرا سلام
چھلنی بدن کو سُرخ کفن کو مرا سلام
صدمہ ترا بہت ہے شہِؑ مشرقین کو
پُرسہ میں دے رہا ہوں اِمام حسینؑ کو
Aye shahsawaar-e dosh-e Paigambar mere Imam
Aye wali-e behisht-e bareen, rahmat-e tamaam
Tu ne piya hai zehar se labrez gham ka jaam
Tujh ko ghuroor-e azmat-e Saqraat ka salaam
Insaan ko aashti ka qareena sikha diya
Tu ne dilon ko chain se jeena sikha diya
Share This Naat
Share with friends and family
لوحِ جہاں پہ فکر کی معراجِ فن کا نام
محسن نقوی