Manqabat
سارا عرب تمام عجم غوثِ پاکؒ کا
سارا عرب تمام عجم غوثِ پاکؒ کا
اللہ رے جلال و حَشَم غوثِ پاکؒ کا
Saara arab tamaam ajam Ghous-e-Pakؒ ka
Allah re jalaal o hasham Ghous-e-Pakؒ ka
اپنی گزر رہی ہے بڑی دُھوم دھام سے
رحمت ہے مصؐطفٰے کی، کرم غوثِ پاکؒ کا
Apni guzar rahi hai bari dhoom dhaam se
Rehmat hai Musؐtafa ki, karam Ghous-e-Pakؒ ka
قادر کے ساتھ عبد کا ہوتا ہے انتساب
لیتے ہیں نام اِس لیے ہم غوثِ پاکؒ کا
Qadir ke saath abd ka hota hai intisaab
Lete hain naam is liye hum Ghous-e-Pakؒ ka
جو کچھ ہے میرے پاس وہ ہرگز مِرا نہیں
جو کچھ بھی ہے وہ ہے بہ قَسَم غوثِ پاکؒ کا
Jo kuch hai mere paas woh hargiz mera nahi
Jo kuch bhi hai woh hai ba qasam Ghous-e-Pakؒ ka
انسانیت پہ اُن کی عنایات عام ہیں
ہے عاصیوں پہ خاص کرم ، غوثِ پاکؒ کا
Insaniyat pe un ki anaa'yaat aam hain
Hai aasi'on pe khaas karam, Ghous-e-Pakؒ ka
حق نے دیا وہ مرتبہء خاص آپؒ کو
چُوما ہے اولیا نے قدم غوثِ پاکؒ کا
Haq ne diya woh martaba-e-khaas aapؒ ko
Chooma hai auliya ne qadam Ghous-e-Pakؒ ka
ہر سانس محوِ سعی و طوافِ تجلّیات
اہلِ صفا کا دل ہے حرم غوثِ پاکؒ کا
Har saans mehve' sai o tawaaf-e-tajalliyaat
Ahl-e-safa ka dil hai haram Ghous-e-Pakؒ ka
آتی ہے اُن کے نام سے خوشبوئے مصؐطفٰے
ممکن نہیں کہ ذکر ہو کم غوثِ پاکؒ کا
Aati hai un ke naam se khushbu-e-Musؐtafa
Mumkin nahi ke zikr ho kam Ghous-e-Pakؒ ka
ہے کس کی شان سب سے جُدا؟ غوثِ پاکؒ کی
ہے ہر ولی پہ کس کا قدم؟ غوثِ پاکؒ کا
Hai kis ki shaan sab se juda? Ghous-e-Pakؒ ki
Hai har wali pe kis ka qadam? Ghous-e-Pakؒ ka
اُن کی نظر نے خاک کو اکسیر کر دیا
دیکھا نصیؔر تُم نے کرم غوثِ پاکؒ کا؟۔
Un ki nazar ne khaak ko akseer kar diya
Dekha Nasiؔr tum ne karam Ghous-e-Pakؒ ka? ۔
Share This Naat
Share with friends and family
سارا عرب تمام عجم غوثِ پاکؒ کا
سید نصیرالدیں نصیر