شرف ملا بشریّت ذو الاحترام ہُوئی
جہاں میں رحمتِ سرکارؐ اتنی عام ہُوئی
Sharf mila bashriyat zo al-ihtram hui
Jahan mein rehmat-e-sarkar (SAW) itni aam hui
زمینِ یثرب و بطحا ترے قدم چھُو کر
فلک مقام ہُوئی عرش احتشام ہُوئی
Zameen-e-yasrab o btha tere qadam chhoo kar
Falak maqam hui Arsh ihtisham hui
حرم کے چہرۂ خُوش پر ہُوئی طلُوع سحر
صنم کدوں کے رُخِ بدنما پہ شام ہُوئی
Haram ke chehra-e-khush par hui tuloo sehar
Sanam kaddo ke rukh-e-badnma pe shaam hui
نفاذ پا گیا منشورِ عدل و امن و وفا
جو کائنات ترے زیرِ انتظام ہُوئی
Nafaz pa gaya manshoor-e-adl o aman o wafa
Jo kainat tere zair-i-intizam hui
مخالفوں کی عداوت بجائے تیغ و سناں
تری محبّتِ خاطر کُشا سے رام ہُوئی
Mukhalifon ki adawat bajaye tegh o sanan
Teri mohabbat-e-khaatar kusha se ram hui
مِلی ہے شانِ کرم تُجھ کو کُل جہاں کے لِئے
سب اُمّتوں کی شفاعت بھی تیرے نام ہُوئی
Mili hai shan-e-karam tujh ko kul jahan ke liye
Sab ummaton ki shafaat bhi tere naam hui
حضُورؐ صبحِ مدینہ نصیب کب ہوگی
حضُورؐ! اب تو مری زندگی کی شام ہُوئی
Huzoor (SAW) subah-e-Madina naseeb kab hogi
Huzoor (SAW)! Ab to meri zindagi ki shaam hui
ترے مدینے سے آگے نہ وقت ہے نہ مقام
حدِ زمان و مکاں اِس جگہ تمام ہُوئی
Tere Madine se aage na waqt hai na maqam
Hud-e-zaman o makaan is jagah tamam hui
جو سطر مَیں نے رقم کی، ترا درُود بنی
جو بات مَیں نے ادا کی ترا سلام ہُوئی
Jo satar mene raqam ki, tera durood bani
Jo baat mene ada ki tera salaam hui
لِکھے قلم نے محامد تو خوش نویس ہُوا
پڑھیں زبان نے نعتیں، خُوش کلام ہُوئی
Likhe qalam ne mahmid to khush nawis hua
Parhi zubaan ne naatein, khush kalaam hui
Share This Naat
Share with friends and family
شرف ملا بشریّت ذو الاحترام ہُوئی
عاصی کرنالی