مدنی ایں میرا آقا مدنی خدا دا ماہی
نبیاں تے مُرسلاں تے اوہدی اے شہنشاہی
Madni ein mera aaqa madni khuda da maahi
Nabiyaan te mursalann te ohdi ae shehnshahi
تک کے اُہدا اشارا رُکھ ٹُرپئے اُکھٹر کے
روڑاں تے کنکراں نے دتی اہدی گواہی
Tak ke ohda ishaara rukh turpaye ukhatar ke
Roraan te kinkaraan ne ditti ehdi gawaahi
قرآن وچ محمد ناں رکھیا اے خُدا نے
خُود ذات مصطفیٰ دی اللہ نے ہے سراہی
Quran vich Muhammad naa rakhya ae khuda ne
Khud zaat Mustafa di Allah ne hai siraahi
محدود حد دے اندر اللہ لئی اے سوہنا
مخلوق واسطے پر نہیں آپ نوں تناہی
Mahdood hadd de andar Allah lai ae sohna
Makhlooq wastay par nahin aap nu tanahi
اوسے دے لئی بنایا ہر چیز نُوں خُدا نے
اوہ ہر مکان والا اوہ لامکاں دا راہی
Ose de lai banaya har cheez nu khuda ne
Oh har makaan wala oh laamakan da raahi
آقا دی شان اندر بولے جو بول بَھیڑا
ہو جاندی بولہب دے وانگوں اُہدی تباہی
Aaqa di shaan andar bolay jo bol bhaeRa
Ho jaandi bolahab de vaangon ehdi tabahi
فیر وی ناں نعت صائم مُکدی مرے نبی دی
بن جان رکھ جے قلماں قُلزم بنے سیاہی
Phir vi naa naat Saim mukdi mere nabi di
Ban jaan rakh je qalmaan qulzam bane siyaahi
Share This Naat
Share with friends and family
مدنی ایں میرا آقا مدنی خدا دا ماہی
علامہ صائم چشتی