اللہ! کوئی حج کا سبب اب تو بنا دے
جلوہ مجھے پھر گنبدِ خَضرا کا دکھا دے
Allah! koi hajj ka sabab ab to bana de
Jalwa mujhe phir gunbad-e-khazra ka dikha de
غم ایسا مدینے کا عطا کردے الٰہی
خوشیوں کے گلستان کو جو میرے جلا دے
Gham aisa madine ka ata karde ilahi
Khushiyon ke gulistan ko jo mere jala de
یارب! میں ترے خوف سے روتا رہوں ہر دم
دیوانہ شَہَنشاہِ مدینہ کا بنا دے
Yarab! main tare khauf se rota rahun har dum
Dewana shehnshah-e-madina ka bana de
جب نعت سُنوں جھوم اٹھوں عشقِ نبی میں
ایسا مجھے مستانہ محمد کا بنا دے
Jab naat sunun jhoom uthun ishq-e-nabi mein
Aisa mujhe mastana Muhammad ka bana de
صدقے میں مرے غوث کے تُو خواب میں یارب
جلوہ مجھے سلطانِ مدینہ کا دکھا دے
Sadqe mein mare ghous ke tu khawab mein yarab
Jalwa mujhe sultan-e-madina ka dikha de
سکرات میں گر رُوئے محمد پہ نظر ہو
ہر موت کا جھٹکا بھی مجھے پھر تو مزا دے
Sakraat mein gar ruwe Muhammad pe nazar ho
Har maut ka jhatka bhi mujhe phir to maza de
جب حشر میں آقا نظر آئیں مجھے اے کاش!
بے ساختہ قدموں میں مرا شوق گرا دے
Jab hashr mein aaqa nazar aayein mujhe ae kash!
Be-sakhta kadmon mein mera shauq gira de
اُف حشر کی گرمی بھی ہے اور پیاس بَلا کی
اے ساقیِ کوثر مجھے اِک جام پلا دے
Uf hashr ki garmi bhi hai aur pyaas bala ki
Ae saqi-e-kausar mujhe ek jaam pila de
ہر وقت جہاں سے کہ انہیں دیکھ سکوں میں
جنت میں مجھے ایسی جگہ پیارے خدا دے
Har waqt jahan se ke unhein dekh sakun main
Jannat mein mujhe aisi jagah pyare khuda de
اللہ! مجھے سوز وگداز ایسا عطا کر
تڑپا دے بیاں نعتِ نبی مجھ کو رُلا دے
Allah! mujhe soz o gudaaz aisa ata kar
Tadpa de bayan naat-e-nabi mujhe rula de
تو پیچھے نہ ہٹنا کبھی اے پیارے مبلِّغ!
شیطان کے ہر وار کو ناکام بنا دے
Tu peeche na hatna kabhi ae pyare muballigh!
Shaitan ke har waar ko nakaam bana de
عطارؔ ہُوں میں ان کا گدا اب تو توجُّہ
بس جانبِ شاہانِ جہاں میری بلا دے
Attar hon main un ka gada ab to tawajjuh
Bas janib-e-shahan-e-jahan meri bala de
Share This Naat
Share with friends and family
اللہ! کوئی حج کا سبب اب تو بنا دے
الیاس عطار قادری