محبتوں کے دیے جلاؤ، نبیؐ کی الفت کے گیت گاؤ
گلی گلی میں کرو اجالا، حضورؐ کی محفلیں سجاؤ
Muhabbaton ke diye jalao, Nabiؐ ki ulfat ke geet gao
Gali gali mein karo ujala, Huzoorؐ ki mehfilen sajao
وہ سب کے صدمے اٹھانے والا، وہ لاج سب کی نبھانے والا
اسی کی یادوں سے لو لگاؤ، اسی کی باتیں سنو سناؤ
Woh sab ke sadme uthane wala, woh laaj sab ki nibhaane wala
Usi ki yaadon se lo lagao, usi ki baatein suno sunao
کدورتوں کے نہ دیکھو سپنے، اٹھو کہ بن جائیں غیر اپنے
جو گر رہے ہیں انہیں اٹھاؤ، اٹھا کے اپنے گلے لگاؤ
Kaduraton ke na dekho sapne, uthho ke ban jayein gair apne
Jo gir rahe hain unhein uthao, utha ke apne gale lagao
نہ راہ منزل پہ بوئےکانٹے، وہی ہے رہبر جو پیار بانٹے
چمن سے بچھڑے ہوئے ملاؤ، جو دور ہیں وہ قریب لاؤ
Na raahe manzil pe booe kaante, wahi hai rehbar jo pyar baante
Chaman se bichhde hue milao, jo door hain woh qareeb lao
نویدِ ابر بہار سن لو، نبی ؐ کے دیں کی پکار سن لو
جو سو رہے ہیں انہیں جگاؤ، چلو قدم سے قدم ملاؤ
Naveed-e-abr bahar sun lo, Nabiؐ ke deen ki pukar sun lo
Jo so rahe hain unhein jagao, chalo qadam se qadam milao
سمجھنا قرآن کو جو چاہو تو سیرتِ مصطفیٰ کو دیکھو
غفور کے آگے سر جھکاؤ ، حضور کے آگے دل جھکاؤ
Samajhna Quran ko jo chaho to seerat-e-Mustafa ko dekho
Ghafoor ke aage sar jhukao, Huzoor ke aage dil jhukao
ظہوریؔ شام و سحر وظیفہ بنا لو ذکر ِ محمدیؐ کو
کرم نوازی کو یاد رکھو، ستم نوازوں کو بھول جاؤ
Zahooriؔ shaam o sahar wazeefa bana lo zikr-e-Muhammadiؐ ko
Karam nawazion ko yaad rakho, sitam nawazon ko bhool jao
Share This Naat
Share with friends and family
محبتوں کے دیے جلاؤ، نبیؐ کی الفت کے گیت گاؤ
محمد علی ظہوری