مانا کہ بے عمل ہُوں نہایت بُرا ہُوں مَیں
لیکن رسُولِ پاک کے دَر کا گدا ہُوں مَیں
Mana ke be-amal hoon nihayat bura hoon main
Lekin Rasool-e-Pak ke dar ka gda hoon main
میں تو تمھارے غم کا سزاوار ہی نہ تھا
یہ اُس کی دین ہے کہ اُسے بھا گیا ہُوں مَیں
Main to tumhare gham ka saza war hi na tha
Yeh us ki deen hai ke use bha gaya hoon main
جِس نے تری تلاش میں صَدیاں گذاردیں
وہ چشمِ آرزُو ہوں وہ حرفِ دعا ہُوں مَیں
Jis ne teri talash mein sadian guzaardin
Woh chashm-e-aarzu hoon woh harf-e-dua hoon main
تڑپا رہا ہے جَذبۂ بے اختیارِ دید
محسوس ہو رہا ہَے کہ یاد آرہا ہُوں مَیں
Tadpa raha hai jazba-e-beikhtiyar-e-did
Mahsoos ho raha hai ke yaad aarha hoon main
دامن بھی تار تار گریباں بھی تار تار
شاید حدِ جُنوں کے قریب آگیا ہُوں مَیں
Daman bhi taar taar gariban bhi taar taar
Shayad had-e-junoon ke qareeb aagaya hoon main
انسانیت کو بخشی وہ توقیر آپ نے
ہر آدمی سمجھنے لگا ہَے خدا ہُوں مَیں
Insaniyat ko bakshi woh tauqeer aap ne
Har aadmi samajhne laga hai khuda hoon main
اعظؔم مری زبان کہاں اور کہاں وہ ذات
نام اپنا اُن کے ذکر سے چمکا رہا ہُوں مَیں
Aazam meri zabaan kahan aur kahan woh zaat
Naam apna un ke zikr se chamka raha hoon main
Share This Naat
Share with friends and family
مانا کہ بے عمل ہُوں نہایت بُرا ہُوں مَیں
محمد اعظم چشتی