نبی آج پیدا ہوا چاہتا ہے
یہ کعبہ گھر اس کا ہوا چاہتا ہے
Nabi aaj paida hua chahta hai
Ye Kaaba ghar us ka hua chahta hai
علم نصب ہے جس کا کعبہ کی چھت پر
بلند اس کا شہرہ ہوا چاہتا ہے
Ilm nasb hai jiska Kaaba ki chhat par
Buland us ka shahra hua chahta hai
نہ کیوں آج کعبہ بنے رَشکِ گلشن
وہ گل جلوہ فرما ہوا چاہتا ہے
Na kyu aaj Kaaba bane rashk-e-gulshan
Wo gul jalwa farma hua chahta hai
یہ رو رو کے آپس میں بت کہہ رہے ہیں
خدا جانے اب کیا ہوا چاہتا ہے
Ye ro ro ke apas mein but keh rahe hain
Khuda jane ab kya hua chahta hai
تری ہے سماوا میں ساوا میں خشکی
نیا اب زمانہ ہوا چاہتا ہے
Teri hai samawa mein sawaa mein khushki
Naya ab zamana hua chahta hai
ندا آرہی ہے کہ حق کے قمر کا
جہاں میں اُجالا ہوا چاہتا ہے
Nida aa rahi hai ke haq ke qamar ka
Jahan mein ujala hua chahta hai
وُحوش و طیور آج گویا ہیں باہم
کہ رحمت کا دَورا ہوا چاہتا ہے
Wo hush o tayoor aaj goya hain baaham
Ke rehmat ka daura hua chahta hai
خریدے گا عصیاں کو رحمت کے بدلے
خریدار پیدا ہوا چاہتا ہے
Khareeday ga isyaan ko rehmat ke badle
Khareedaar paida hua chahta hai
یہ عالم بنایا ہے جس کا براتی
ہویدا وہ دولہا ہوا چاہتا ہے
Ye aalam banaya hai jiska baraati
Haoidaa wo dulha hua chahta hai
جو عالم کو قطرے سے سیراب کردے
رَواں ایسا دَریا ہوا چاہتا ہے
Jo aalam ko qatre se serab karde
Rawa aisa dariya hua chahta hai
فلک کے ستارے جھکے آرہے ہیں
کہ پیدا وہ مولیٰ ہوا چاہتا ہے
Falak ke sitare jhuke aa rahe hain
Ke paida wo maula hua chahta hai
خدا کے خزانوں کا مختار و حاکم
شہِ دِین و دنیا ہوا چاہتا ہے
Khuda ke khazanon ka mokhtar o hakim
Shah-e-deen o dunya hua chahta hai
سلاطینِ عالم گدا ہوں کہ اس کا
دوعالم پہ قبضہ ہوا چاہتا ہے
Salateen-e-aalam gada hon ke uska
Do aalam pe qabza hua chahta hai
کہانت کے دَفتر پہ آئی تباہی
مَلائک کا پہرہ ہوا چاہتا ہے
Kahanat ke daftar pe aayi tabahi
Malaik ka pehra hua chahta hai
یہ کہتے ہیں اَشجار و اَحجار باہم
نبی زیبِ دنیا ہوا چاہتا ہے
Ye kehte hain ashdar o ahjar baaham
Nabi zaib-e-duniya hua chahta hai
ملائک مؤدب رہیں حکمِ حق ہے
کہ محبوب پیدا ہوا چاہتا ہے
Malaik modab rahen hukum-e-haq hai
Ke mehboob paida hua chahta hai
اُٹھو بہرِ تعظیم اے اَہلِ محفل
نبی جلوہ فرما ہوا چاہتا ہے
Utho beher-e-taazim ae ahl-e-mahfil
Nabi jalwa farma hua chahta hai
صلوۃ و سلام عرض کر اے جمیلؔ اب
اِجابت کا دَر وا ہوا چاہتا ہے
Salaat o salam arz kar ae Jamil ab
Ijaabat ka dar wa hua chahta hai
Share This Naat
Share with friends and family
نبی آج پیدا ہوا چاہتا ہے
جمیل الرحمن قادری