نہ اس جانب نظر رکھنا نہ اس جانب نظر رکھنا
کوئی مشکل پڑے تو تم نظر سرکار پر رکھنا
Na is janib nazar rakhna na is janib nazar rakhna
Koi mushkil paRe to tum nazar sarkar par rakhna
جو بچنا چاہتے ہو تم غم دنیا و عقبی سے
تو ان کی یاد کو دل میں بسا کر عمر بھر رکھنا
Jo bachna chahte ho tum gham dunya o aQba se
To un ki yaad ko dil mein basa kar umr bhar rakhna
خزانے رحمت حق کے جہاں کو بانٹنے والے
طلب گار کرم ہوں مجھ پہ بھی آقا نظر رکھنا
Khazanay rehmat e haqq k jahan ko bantne wale
Talab gar karam hoon mujh pe bhi aqa nazar rakhna
خدا کے قرب کی منزل پر پہنچو گے بآسانی
نبی کا عشق تم اپنے ہمیشہ ہم سفر رکھنا
Khuda k qurb ki manzil par pohoncho ge ba asani
Nabi ka ishq tum apne hamesha humsafar rakhna
تری یادوں کی مشعل سے ہے میرے دل کا گھر روشن
ہوائے غیر سے آقا بچا کر میرا گھر رکھنا
Teri yaadon ki mashal se hai mere dil ka ghar roshan
Hawa e gair se aqa bacha kar mera ghar rakhna
نبی کے آستاں کی حاضری کا تھا عجب عالم
زباں سے کچھ نہ کہنا اور وہ آنکھوں کا تر رکھنا
Nabi k asta'n ki haazri ka tha ajab alam
Zaban se kuch na kehna aur wo aankhon ka tar rakhna
ادھر رکھنا ادھر رکھنا جہاں سرکار کی مرضی
مگر اک عرض ہے میری جدھر رکھنا خبر رکھنا
Idhar rakhna udhar rakhna jahan sarkar ki marzi
Magar ek arz hai meri jidhar rakhna khabar rakhna
تری نعتوں نے بخشی ہے نیازی کو بڑی عزت
مرے آقا سر محشر بھی اس کو معتبر رکھنا
Teri naato'n ne bakhshi hai Niazi ko badi izzat
Mere aqa sar e mahshar bhi is ko mo'tabar rakhna
Share This Naat
Share with friends and family
نہ اس جانب نظر رکھنا نہ اُس جانب نظر رکھنا
عبدالستار نیازی