لکھ شکر خدا دا گھر ساڈے سجناں نے پھیرا پایا اے
جس دن دی تاہنگ چراں توں سی اوہ دن آج مُڑ کے آیا اے
Likh shukar Khuda da ghar saade sajnan ne phera paaya ae
Jis din di tahang charan toon si oh din aaj murh ke aaya ae
اے سکدیو اکھیو خُوش بختو آج ریجھاں لاہ لئو دید دیاں
پکی بارش ہووے جلویاں دی سجناں نے نقاب اُٹھایا اے
Ae Sakdeyo akhiyo khushbakhto aaj reejhan laah leo deed diyan
Pakki barish howe jalwayan di sajnan ne naqaab uthaaya ae
اے سنگیو آج نہ سنگیو جے جو دل کردا آج منگیو جے
منہ کھول کے فیض خزانیاں دے اج سخی لٹاون آیا اے
Ae sangiyo aaj na sangiyo je jo dil karda aaj mangiyo je
Muhn khol ke faiz khazaanyan de aj sakhi lutawan aaya ae
ایہہ در ہے کملی والے دا ایتھے رحمت دی ارزانی ایں
خلق نہیں ایویں دیوانی جس جو منگیا سو پایا اے
Ehe dar hai kamli walay da itthe rehmat di arzani ae
Khalaq nahin ewain deewani jis jo mangiya so paaya ae
میں کی اُس دی تعریف کراں جہدا خلق قرآن مقدس اے
گل لاوندا اے سوہنا اُس تائیں سب خلق جنہوں ٹھکرایا اے
Main ki os di tareef karaa jehda khalaq Quran muqaddas ae
Gal lawanda ae sohna us taan sab khalaq janhon thukraya ae
آج دیکھ کے رحمت سستی نوں آج دیکھ نظر دی مستی نوں
محبوب دے در تے صائم نے آج آ دامن پھیلایا اے
Aaj dekh ke rehmat sasti nu aaj dekh nazar di masti nu
Mehboob de dar te Sa'im ne aaj aa daaman phailaya ae
Share This Naat
Share with friends and family
لکھ شکر خدا دا گھر ساڈے سجناں نے پھیرا پایا اے
علامہ صائم چشتی