اے شہِ کون و مکاں ماحئی غم شاہِ اُممؐ
ہو مرے حال پہ اک نظرِ کرم ،شاہِ اُممؐ
Ae Shahe Kon o Makaan Maahi-e Gham Shah-e Ummamؐ
Ho mere haal pe ek nazar-e karam, Shah-e Ummamؐ
تیرےؐ شایاں میرے خامہ میں کوئی لفظ نہیں
تیریؐ توصیف کروں کیسے رقم ، شاہِ اُممؐ
Tereؐ shaayaan mere khama mein koi lafz nahi
Teriؐ tauseef karun kaise raqam, Shah-e Ummamؐ
حشر میں سایہء رحمت کی ضرورت ہے ہمیں
تیریؐ قربت کے طلبگار ہیں ہم ، شاہِ اُممؐ
Hashr mein saayeء rehmat ki zaroorat hai humein
Teriؐ qurbat ke talabgaar hain hum, Shah-e Ummamؐ
دل تڑپتا ہے ترےؐ در کی حضوری کے لئے
میری پلکیں ہیں تریؐ یاد میں نم ، شاہِ اُممؐ
Dil tradprta hai tereؐ dar ki hazoori ke liye
Meri palken hain teriؐ yaad mein nam, Shah-e Ummamؐ
آپؐ اگر دیکھ لیں اک بار توجہ سے ہمیں
دُور ہو جائیں سبھی رنج و الم ، شاہِ اُممؐ
Aapؐ agar dekh lein ek baar tawajjo se humein
Door ho jaayein sabhi ranj o alam, Shah-e Ummamؐ
پردہ داری مری دُنیا میں ہوئی ہے جیسے
حشر میں بھی مرا رہ جائے بھرم ، شاہِ اُممؐ
Parda daari meri duniya mein hui hai jaise
Hashr mein bhi mera reh jaaye bharam, Shah-e Ummamؐ
آپؐ چاہیں تو بدل جائے مقدر میرا
آپؐ سے دُور کہاں لوح و قلم ، شاہِ اُممؐ
Aapؐ chahen to badal jaaye muqaddar mera
Aapؐ se door kahan loh o qalam, Shah-e Ummamؐ
تمؐ سے بڑھ کر کوئی محبوب نہیں ہے مجھ کو
عنبریں زُلف کے ہر خم کی قسم ، شاہِ اُممؐ
Tumؐ se barh kar koi mehboob nahi hai mujh ko
Ambareen zulf ke har kham ki qasam, Shah-e Ummamؐ
بامِ قوسین پہ جھنڈا ہے تریؐ عظمت کا
کہکشائیں ہیں ترے زیرِ قدم ، شاہِ اُممؐ
Baam-e Qausain pe jhanda hai teriؐ azmat ka
Kehkashaaen hain tere zeere qadamm, Shah-e Ummamؐ
اب تو مل جائے حضوری کی اجازت مجھ کو
اب تو اشفاقؔ پہ ہو جائے کرم ، شاہِ اُممؐ
Ab to mil jaaye hazoori ki ijazat mujh ko
Ab to Ashfaqؔ pe ho jaaye karam, Shah-e Ummamؐ
Share This Naat
Share with friends and family
اے شہِ کون و مکاں ماحئی غم شاہِ اُممؐ
اشفاق احمد غوری