عیدِ ولادِ مصطفےٰ سارے منانے آئے ہیں
آئندہ صدیاں آئی ہیں گزرے زمانے آئے ہیں
Eid-e-Vilad-e-Mustafa sare manane aaye hain
Aindah sadiyan aayi hain guzre zamane aaye hain
دیکھو مُحمّؐد کی طرف ‘ ہے کس قدر عز و شرف
تازہ ہَوائیں بانٹنے موسم پُرانے آئے ہیں
Dekho Muhammad ki taraf, hai kis qadar izz o sharaf
Taza hawayein bantne mausam purane aaye hain
چاہو اگر اپنی بقاء لے لو شعورِ ارتقا
عہدِ رسُول اللہ کے منظر سہانے آئے ہیں
Chaho agar apni baqa le lo shaoor-e-irtqa
Ahad-e-Rasool Allah ke manzar suhanay aaye hain
آنّسُو جب اُن کے نام پر نکلے تو چمکے بام پر
جھونکے بھی اُن کی یاد کے شمعیں جلانے آئے ہیں
Aansu jab un ke naam par nikle to chamke baam par
Jhonke bhi un ki yaad ke shamay jala ne aaye hain
عشقِ محمّؐد کیا ہُوا ، قطرے سے مَیں دریا ہُوا
میری غریبی کی طرف ، چل کے خزانے آئے ہیں
Ishq-e-Muhammad kya hua, qatre se main darya hua
Meri ghareebi ki taraf, chal ke khazane aaye hain
کاش اِن کھُلی آنکھوں سے بھی کر لوں زیارت آپ کی
خوابوں میں بھی آئے اگر ‘ قسمت جگانے آئے ہیں
Kash in khuli aankhon se bhi kar loon ziarat aap ki
Khwabon mein bhi aaye agar, kismet jagane aaye hain
ٹھہرا مظفّؔر مَیں اگر ، تو صرف اُس دہلیز پر
آنے کو یُوں تو راہ میں کتنے ٹھِکانے آئے ہیں
Thehra Muzaffar main agar, to sirf us dehleez par
Aane ko yun to raah mein kitne thikane aaye hain
Share This Naat
Share with friends and family
عیدِ ولادِ مصطفےٰ سارے منانے آئے ہیں
مظفر وارثی