یا شہِ ارض و سما امداد کو آجائیے
ہے کورونا کی وبا اِمداد کو آ جائیے
Ya shah-e-arz-o-samaa imdaad ko aa jaaiye
Hai corona ki waba imdaad ko aa jaaiye
سخت حیرانی پریشانی عجب سا خوف ہے
خَلق کے حاجت روا امداد کو آجائیے
Sakht hairani pareshani ajab sa khauf hai
Khalk ke haajat rawa imdaad ko aa jaaiye
ساری دنیا میں ہے پھیلی یہ کورونا کی وبا
بڑھ رہا ہے سِلسلہ اِمداد کو آجائیے
Saari dunya mein hai phaili ye corona ki waba
Barh raha hai silsila imdaad ko aa jaaiye
دن وہ دیکھے ہیں کہ کعبے میں بھی ہیں خاموشیاں
اک عجب ہے ماجرا امداد کو آ جائیے
Din wo dekhe hain ke kaabe mein bhi hain khamoshiyaan
Ek ajab hai maajra imdaad ko aa jaaiye
اولیاء اللہ کے دربار بھی سُونے ہُوئے
ہے یہ کیسا المیہ امداد کو آ جائیے
Oliya Allah ke darbaar bhi soone huye
Hai ye kaisa almiyah imdaad ko aa jaaiye
ہے تجارت میں خلل تدریس بھی موقوف ہے
خوف ایسا چھا گیا امداد کو آ جائیے
Hai tijarat mein khalal tadrees bhi mauqoof hai
Khauf aisa chaa gaya imdaad ko aa jaaiye
زائرینِ مکہ و طیبہ بڑے غمگین ہیں
ہِجر کا ہے سامنا امداد کو آ جائیے
Zaaireen-e-makka o taiba bade ghamgeen hain
Hijr ka hai saamna imdaad ko aa jaaiye
سب غلاموں کو خلاصی ہو کورونا سے عطا
خوف کا ہو خاتمہ امداد کو آ جائیے
Sab gulaamon ko khalaasi ho corona se ata
Khauf ka ho khatma imdaad ko aa jaaiye
آپ جو چاہیں خدا کے فضل سے تو خیر ہے
درد ہوجائے دوا امداد کو آ جائے
Aap jo chaahein Khuda ke fazal se to khair hai
Dard ho jaaye dawa imdaad ko aa jaaye
عرض کرتا ہے یہ مرزا بس کرم آقا کرم
دافعِ رنج و بلا امداد کو آ جائیے
Arz karta hai ye Mirza bas karam aaqa karam
Dafe' ranj o bala imdaad ko aa jaaiye
Share This Naat
Share with friends and family
یا شہِ ارض و سما امداد کو آجائیے
مرزا جاوید بیگ عطاری