کُھل گئیں سرحدیں لامکانی تہِ آسماں آ گئی
آپ تشریف لائے تو جسمِ دو عالم میں جاں آ گئی
Kuhul gaeein sarhaden la-makani tah-e-asman aa gai
Aap tashreef laaye to jism-e-do alam mein jaan aa gai
وقت کا قافلہ روشنی کے سفر پر روانہ ہُوا
بے جہت زندگی عبد و معبُود کے درمیاں آ گئی
Waqt ka qafila roshni ke safar par rawana hua
Be jahat zindagi abd o ma'bood ke darmiyan aa gai
ذرّہ ذرّہ حجازِ مقدسّ کا آئینہ گر بن گیا
اپنے ہاتھوں میں کھِلتے ہُوئے پھُول لے کر خزاں آ گئی
Zarra zarra Hijaz-e-Muqaddas ka aaina gar ban gaya
Apne haathon mein khilte hue phool le kar khazan aa gai
تنگ ذہنوں پہ جب آپ نے ڈال دی اِک کشادہ نظر
ذات کے قیدیوں میں بھی اِک وسعتِ بیکراں آگئی
Tang zehno par jab aap ne daal di ek kushada nazar
Zaat ke qaidiyon mein bhi ek wusat-e-baikaraan aa gai
جب محمدؐ کی تنہائی نے بھِیڑ کو ہمنوا کر لیا
خُود گروہِ یقیں کی طرف نسلِ وہم و گماں آ گئی
Jab Muhammad (SAW) ki tanhai ne bheer ko hamnawa kar liya
Khud giroh-e-yaqeen ki taraf nasl-e-waham o gumaan aa gai
کلمہ آپ کا سنگریزوں کو دیکھا جو پڑھتے ہُوئے
پتّھروں کو خُدا کہنے والوں کے لب پر اذاں آگئی
Kalma aap ka sangrezon ko dekha jo padhte hue
Patharon ko Khuda kehne walon ke lab par azaan aa gai
جب مدارِ زمیں سے نکل کر قدم مُصطفےٰ نے رکھے
آہٹوں کی طرف چاند تارے بڑھے کہکشاں آ گئی
Jab madar-e-zameen se nikal kar qadam Mustafa ne rakhe
Ahaton ki taraf chaand taare barhe kehkashaan aa gai
میں نے بھیجا ہے جب بھی مظفر درود آپ پر، یوں لگا
جیسے شیرینیوں کے شکنجے میں ساری زباں آ گئی
Maine bheja hai jab bhi Muzaffar darood aap par, yoon laga
Jaise sheerinion ke shikanje mein saari zubaan aa gai
Share This Naat
Share with friends and family
کُھل گئیں سرحدیں لامکانی تہِ آسماں آ گئی
مظفر وارثی