آئیے اس نور والی ذات کا چرچا کریں
گوشہ گوشہ زندگی کا اپنی تابندہ کریں
Aaiye is noor wali zaat ka charcha karein
Gosha gosha zindagi ka apni tabinda karein
آرزو ہے پھر طوافِ خانۂِ کعبہ کریں
پھر زیارت ہم ترے دربار کی آقا کریں
Aarzoo hai phir tawaaf-e-khana-e-ka'ba karein
Phir ziarat hum tere darbaar ki aaqa karein
مدحتِ آقا کیا کرتے ہیں جیسے ہم یہاں
حشر میں بھی یا خدا ہم مدحتِ آقا کریں
Midhat-e-aaqa kya karte hain jaise hum yahaan
Hashr mein bhi ya khuda hum midhat-e-aaqa karein
میں درودِ پاک پڑھ کردیکھ لوں بس اک نظر
کیا عجب ہے مشکلیں آکر مجھے سجدہ کریں
Main darood-e-paak parh kar dekh loon bas ek nazar
Kya ajab hai mushkilein aakar mujhe sajda karein
روضۂِ پُر نور ہو پیشِ نظر یا مصطفےٰ
اور آنکھوں کے لبوں سے ہم اُسے چوما کریں
Roza-e-pur noor ho paish-e-nazar ya Mustafa
Aur aankhon ke labon se hum use chuma karein
ہم غلامِ مصطفےٰ ہیں ہم سے یہ ممکن نہیں
’’ لڑکھڑائیں اور اپنے دین کو رسوا کریں ‘‘
Hum ghulaam-e-Mustafa hain hum se yeh mumkin nahin
"Larkharaayen aur apne deen ko ruswa karein"
باندھ کر احرامِ عشقِ مصطفےٰ چلئے شفیقؔ
پھر تصور میں طوافِ گنبدِ خضرا کریں
Baandh kar ahraam-e-ishq-e-Mustafa chaliye Shafiq
Phir tasawwur mein tawaaf-e-gumbad-e-khazra karein
Share This Naat
Share with friends and family
آئیے اس نور والی ذات کا چرچا کریں
شفیق ؔ رائے پوری