کرم تیرے دا نہ کوئی ٹھکانہ یا رسول اللہؐ
سدا کھلا اے رحمت دا خزانہ یا رسول اللہؐ
Karam tere da na koi thikana ya Rasool Allah (ﷺ)
Sada khula ae rehmat da khazana ya Rasool Allah (ﷺ)
مرا ایمان ایں دن حشر دے سرکار دا دامن
بنے گا سب دی بخشش دا بہانہ یا رسول اللہؐ
Mera imaan een din hashar de Sarkar da daman
Banega sab di bakhshish da bahana ya Rasool Allah (ﷺ)
تیرے دربار دا صدقہ امیری وی فقیری وی
تیرے فیضان دا سائل زمانہ یا رسول اللہؐ
Tere darbar da sadqa amiri vi faqiri vi
Tere faizaan da sail zamana ya Rasool Allah (ﷺ)
جو تیری یاد وچہ گزرے حیاتی اوہ حقیقت اے
بناں تیرے ہے جو کُجھ وی فسانہ یا رسول اللہؐ
Jo teri yaad vich guzre hayati oh haqeeqat ae
Bana tere hai jo kujh vi fasana ya Rasool Allah (ﷺ)
جدوں پُچھن گے آکے دو فرشتے قبر دے مینوں
سناواں گا دروداں دا ترانہ یا رسول اللہؐ
Jidon puchan ge aake do farishte qabar de mainu
Sanawan ga duroodaan da tarana ya Rasool Allah (ﷺ)
فدا ہووے ظہوریؔ اوس ویلے وے گھڑی پل توں
جدوں ہووے مدینے نوں روانہ یا رسول اللہؐ
Fida howe Zahoori os vele ve ghari pal toon
Jidon howe Madine nu rawana ya Rasool Allah (ﷺ)
Share This Naat
Share with friends and family
کرم تیرے دا نہ کوئی ٹھکانہ یا رسول اللہؐ
محمد علی ظہوری