رُخِ انور کی جب آقا ! زیارت ہوتی جاتی ہے
تو فوراً اپنی آنکھوں کی طہارت ہوتی جاتی ہے
Rukh-e-anwar ki jab aqa! ziaraat hoti jati hai
To foran apni aankhon ki taharat hoti jati hai
مرے آقا ! غموں کا ہیں مداوا آپ کی یادیں
’’ہجومِ رنج سے دل کو مسرت ہوتی جاتی ہے‘‘
Mere aqa! ghamon ka hain madaawa aap ki yaadein
''Hajoom-e-ranj se dil ko masarrat hoti jati hai''
کہ ایماں کی حلاوت ہے مرے آقا ! تری اُلفت
سو ہر لمحہ فزوں تر یہ محبت ہوتی جاتی ہے
Ke imaan ki halawat hai mere aqa! teri ulfat
So har lamha fazun tar ye muhabbat hoti jati hai
زباں جب ورد کرتی ہے محمد یا محمد کا
دلِ مُضطر سنبھل جاتا ہے راحت ہوتی جاتی ہے
Zuban jab wird karti hai Muhammad ya Muhammad ka
Dil-e-muztar sambhal jata hai raahat hoti jati hai
جو مخلوقِ خُدا کی خوب خدمت کرتے رہتے ہیں
تو فوراً ہی قبول اُن کی عبادت ہوتی جاتی ہے
Jo makhlooq-e-Khuda ki khoob khidmat karte rehte hain
To foran hi qubool un ki ibadat hoti jati hai
وہ گھڑیاں یاد آتی ہیں،مواجہ سامنے تھا جب
اُنہی لمحوں سے بس آقا محبت ہوتی جاتی ہے
Wo ghdriyaan yaad aati hain, mawajah samne tha jab
Unhi lamhon se bas aqa muhabbat hoti jati hai
مدینے سے جدائی کے اذیت ناک لمحوں کو
میں لاتا ہوں تصور میں تو وحشت ہوتی جاتی ہے
Madinay se judai ke aziyat naak lamhon ko
Main lata hoon tasawwur mein to wehsat hoti jati hai
نکل کر نارِ دوزخ سے وہی جنت کو جاتے ہیں
کہ جن جن کی مرے آقا شفاعت ہوتی جاتی ہے
Nikal kar naar-e-dozakh se wohi jannat ko jate hain
Ke jin jin ki mere aqa shafaat hoti jati hai
سجا ہوتا ہے جس گھر میں درودِ پاک کا حلقہ
اُسی گھر پر مرے آقا کی رحمت ہوتی جاتی ہے
Saja hota hai jis ghar mein darood-e-paak ka halqa
Usi ghar par mere aqa ki rahmat hoti jati hai
میں کرتا ہوں دُعا جب بھی درودِ پاک پڑھ پڑھ کر
تو لگتا ہے کہ فوراً ہی اجابت ہوتی جاتی ہے
Main karta hoon dua jab bhi Darood-e-paak parh parh kar
To lagta hai ke foran hi ijaabat hoti jati hai
ترے اسمِ مبارک کو وظیفہ کر لیا جب سے
زباں میں انگبیں جیسی حلاوت ہوتی جاتی ہے
Tere ism-e-mubarak ko wazifa kar liya jab se
Zuban mein angbeen jaisi halawat hoti jati hai
رُخِ حیدر ؓ کو تکنا ہے عبادت اہلِ ایماں کی
تبھی صدیقِ اکبرؓ کی یہ عادت ہوتی جاتی ہے
Rukh-e-Haider (r) ko takna hai ibadat ahl-e-imaan ki
Tabhi Siddiq-e-Akbar (r) ki ye aadat hoti jati hai
حسین ابنِ علی جیسا جلیل القدر قاری ہو
تو پھر نوکِ سِناں پر بھی تلاوت ہوتی جاتی ہے
Husain ibn-e-Ali jaisa jaleelul qadr qaari ho
To phir nok-e-sinaan par bhi tilawat hoti jati hai
Share This Naat
Share with friends and family
رُخِ انور کی جب آقا
حافظ عبدالجلیل