بہت اونچا ہے قسمت کا ستارا یارسول اللہؐ
مِرے ہاتھوں میں ہے دامن تمہارا یارسول اللہؐ
Boht ooncha hai qismat ka sitara ya rasool Allahؐ
Mire hathon mein hai daman tumhara ya rasool Allahؐ
ترے اسمِ گرامی نے ہمیں سنبھال رکھا ہے
یہی تو ہے غریبوں کا سہارا یارسول اللہؐ
Tere ism-e-graami ne hamen sambhal rakha hai
Yahi to hai ghareebon ka sahara ya rasool Allahؐ
بڑا مجرم سہی لیکن مِری بخشش کو کافی ہے
تِری چشمِ کرم کا اِک اشارا یارسول اللہؐ
Bara mujrim sahi lekin meri bakhshish ko kafi hai
Teri chashm-e-karam ka ik ishara ya rasool Allahؐ
وہ خاطر میں نہیں لاتے کسی شاہ و تونگر کو
تِرے ٹکڑوں پہ ہے جن کا گزارا یارسول اللہؐ
Wo khatir mein nahi laate kisi shah o toongar ko
Tere tukron pe hai jin ka guzara ya rasool Allahؐ
مدد کو آپؐ آتے ہیں ہمیں تو ہے یقیں کامل
کڑی مشکل میں جس نے بھی پکارا یارسول اللہؐ
Madad ko aapؐ aate hain hamen to hai yaqueen kamil
Kadi mushkil mein jis ne bhi pukara ya rasool Allahؐ
تمھاری دید جب ہوگی مچل کر پھر یہ دیوانے
سرِ محشر لگائیں گے یہ نعرہ یارسول اللہؐ
Tumhari deed jab hogi machal kar phir ye deewane
Sar-e-mahshar lagayenge ye nara ya rasool Allahؐ
ہو تیرا امتی پھر بھی جہنم کا بنے ایندھن
تری رحمت کو ہو کیونکر گوارا یارسول اللہؐ
Ho tera ummati phir bhi jahannum ka bane indhan
Teri rehmat ko ho kyun kar gawara ya rasool Allahؐ
گھرے ہیں بحرِ عصیاں کی تلاطم خیز موجوں میں
کرم کیجئے کہ مل جائے کنارا یارسول اللہ
Ghire hain bahr-e-asyan ki talatum kheez maujon mein
Karam kijiye ke mil jaye kinara ya rasool Allah
اماں اُس کو نہیں ملتی کہ جس نے اپنی گردن سے
قلادہ تیری نسبت کا اتارا یارسول اللہ
Amaan us ko nahi milti ke jis ne apni gardan se
Qalada teri nisbat ka utara ya rasool Allah
جلیل اپنے گناہوں پر پشیماں اور نادم ہے
اب اس کی لاج رکھ لیجئے خدارا یارسول اللہ
Jaleel apne gunahon par pasheman aur nadim hai
Ab is ki laaj rakh lijiye khudara ya rasool Allah
Share This Naat
Share with friends and family
بہت اونچا ہے قسمت کا ستارا
حافظ عبدالجلیل