چارہ گر ہے دِل تو گھائل عشق کی تلوار کا
کیا کروں میں لے کے پھاہا مرہمِ زَنگار کا
Chara gar hai dil to ghayl ishq ki talwar ka
Kya karun main le ke phaha murham-e-zangar ka
رُوکشِ خلدِ بریں ہے دیکھ کوچہ یار کا
حیف بلبل اب اگر لے نام تو گلزار کا
Roksh-e-khald-e-bareen hai dekh koocha yar ka
Haif bulbul ab agar le naam to gulzar ka
حسن کی بے پردگی پردہ ہے آنکھوں کے لیے
خود تجلی آپ ہی پردہ ہے رُوئے یار کا
Husn ki be parde gi parda hai aankhon ke liye
Khud tajalli aap hi parda hai roo'e'yar ka
حسن تو بے پردہ ہے پردہ ہے اپنی آنکھ پر
دِل کی آنکھوں سے نہیں ہے پردہ رُوئے یار کا
Husn to be parda hai parda hai apni aankh par
Dil ki aankhon se nahi hai parda roo'e'yar ka
اِک جھلک کا دیکھنا آنکھوں سے گو ممکن نہیں
پھر بھی عالم دِل سے طالب ہے ترے دِیدار کا
Ik jhalak ka dekhna aankhon se go mumkin nahi
Phir bhi alam dil se talib hai tere deedaar ka
تیرے باغِ حسن کی رونق کا کیا عالم کہوں
آفتاب اِک زَرد پتا ہے ترے گلزار کا
Tere baagh-e-husn ki ronq ka kya alam kahun
Aftaab ik zarrd pata hai tere gulzar ka
کب چمکتا یہ ہلالِ آسماں ہر ماہ یوں
جو نہ ہوتا اس پہ پرتو اَبروئے سرکار کا
Kab chamakta yeh halaal-e-aasman har maa'h yoon
Jo na hota us pe partaw abru-e-sarkar ka
جاگ اُٹھی سوئی قسمت اور چمک اُٹھا نصیب
جب تصوّر میں سمایا رُوئے اَنور یار کا
Jaag uthi soyi qismat aur chamak utha naseeb
Jab tasawwur mein samaya roo'e'anwar yar ka
حسرتِ دِیدار دِل میں اور آنکھیں بہہ چلیں
تو ہی والی ہے خدایا دِیدئہ خوں بار کا
Hasrat-e-deedaar dil mein aur aankhen beh chal'een
To hi wali hai khuda'ya deeda-e-khoon baar ka
بھیک اپنے مرہمِ دِیدار کی کردو عطا
چاہیے کچھ منہ بھی کرنا زخمِِ دامن دار کا
Bheek apne murham-e-deedaar ki kar do aata
Chahiye kuch moonh bhi karna zakhm-e-damen daar ka
کام نشتر کا کیا ناصِح نصیحت نے تری
چیر ڈالا اور دامن زخمِ دامن دار کا
Kaam nash'tar ka kya nas'h nasihat ne teri
Cheer daala aur daman zakhm-e-damen daar ka
یوں ہی کچھ اچھا مَداوا اس کا ہوگا بخیہ گر
چاک کر ڈالوں گریباں زخمِ دامن دار کا
Yoon hi kuch acha mada'waus ka hoga bakhiya gar
Chaak kar daalun garebaan zakhm-e-damen daar ka
اَز سرِ بالینِ من بر خیز اے ناداں طبیب
ہوچکا تجھ سے مَداوا عشق کے بیمار کا
Az sar-e-baalin-e-man bar kheez ae nadaan tabeeb
Ho chuka tujh se mada'wa ishq ke bimar ka
فتنے جو اُٹھے مٹا ڈالے رَوِش نے آپ کی
کیوں نہ ہو دشمن بھی قائل خوبیٔ رَفتار کا
Fitne jo utthe mita daale rawish ne aap ki
Kyun na ho dushman bhi qail khubi-e-raftaar ka
چوکڑی بھولا بُراقِ باد پا یہ دیکھ کر
ہے قدم دَوشِ صبا پر اس سَبک رفتار کا
Chokdi bhoola buraaq-e-baad pa yeh dekh kar
Hai qadam dosh-e-suba par is sabak raftaar ka
کوئی دَم کی دیر ہے آتے ہیں دَم کی دیر ہے
اب چمکتا ہے مقدر طالبِ دِیدار کا
Koi dam ki der hai aate hain dam ki der hai
Ab chamakta hai muqaddar talib-e-deedaar ka
جب گرا میں بے خودی میں ان کے قدموں پر گرا
کام تو میں نے کیا اَچھے بھلے ہشیار کا
Jab gira main be khudi mein un ke qadmon par gira
Kaam to main ne kiya ache bhaley hoshiyaar ka
آبلہ پا چل رہا ہے بے خودی میں سر کے بل
کام دیوانہ بھی کرتا ہے کبھی ہشیار کا
Aab'la pa chal raha hai be khudi mein sar ke bal
Kaam deewana bhi karta hai kabhi hoshiyaar ka
آبلوں کے سب کٹورے آہ خالی ہوگئے
منہ ابھی تر بھی نہ ہونے پایا تھا ہر خار کا
Aab'lon ke sab katooray aah khali ho gaye
Moonh abhi tar bhi na hone paya tha har khaar ka
آبلے کم مائیگی پر اپنی روئیں رات دن
سوکھ کر کانٹا ہوا دیکھیں بدن ہر خار کا
Aab'le kam maiyagi par apni rowi'n raat din
Sookh kar kaanta hua dekhein bad'an har khaar ka
وا اسی برتے پہ تھا یہ تَتَّا پانی واہ واہ
پیاس کیا بجھتی دہن بھی تر نہیں ہر خار کا
Wa isi bar tay pe tha yeh tatta paani wah wah
Pyaas kya bujh'ti dahin bhi tar nahi har khaar ka
پاؤں میں چبھتے تھے پہلے اَب تو دِل میں چبھتے ہیں
یاد آتا ہے مجھے رہ رہ کے چبھنا خار کا
Paoon mein chubhte the pehle ab to dil mein chubhte hain
Yaad aata hai mujhe rah rah ke chubhna khaar ka
پاؤں کیا میں دِل میں رکھ لوں پاؤں جو طیبہ کے خار
مجھ سے شوریدہ کو کیا کھٹکا ہو نوکِ خار کا
Paoon kya main dil mein rakh loon paoon jo taiba ke khaar
Mujh se shoreeda ko kya khatka ho nok-e-khaar ka
راہ پر کانٹے بچھے ہیں کانٹوں پر چلنی ہے راہ
ہر قدم ہے دِل میں کھٹکا اس رَہِ پُر خار کا
Rah par kaantay bicha'ay hain kaanto'n par chalni hai rah
Har qadam hai dil mein khatka is rah-e-pur khaar ka
خارِ گل سے دَہر میں کوئی چمن خالی نہیں
یہ مَدینہ ہے کہ ہے گلشن گلِ بے خار کا
Khaar-e-gul se dahr mein koi chaman khali nahi
Yeh madinah hai ke hai gulshan gul-e-be khaar ka
گل ہو صحرا میں تو بلبل کے لئے صحرا چمن
گل نہ ہو گلشن میں تو گلشن ہے اِک بن خار کا
Gul ho sahra mein to bulbul ke liye sahra chaman
Gul na ho gul'shan mein to gul'shan hai ik ban khaar ka
گل سے مطلب ہے جہاں ہو عندلیبِ زار کو
گل نہ ہو تو کیا کرے بلبل کہو گلزار کا
Gul se matlab hai jahan ho andaleeb-e-zaar ko
Gul na ho to kya kare bulbul kaho gulzar ka
پھر سے ہوجائے نہ عالم میں کہیں طوفانِ نوح
لو اُبلتا ہے سمندر اپنی چشمِزار کا
Phir se ho jaye na aalam mein kahin toofan-e-Nooh
Lo ubalta hai samundar apni chashm'zar ka
دَھجیاں ہوجائے دامن فردِ عصیاں کا مری
ہاتھ آجائے جو گوشہ دامن دلدار کا
Dhajiyan ho jaye daman fard-e-a'syaan ka meri
Hath aaja'e ju gosha daman dil'dar ka
کوثر و تسنیم سے دل کی لگی بجھ جائے گی
میں تو پیاسا ہوں کسی کے شربتِ دِیدار کا
Kausar o tasnim se dil ki lagi buj jaye gi
Main to piyasa hoon kisi ke sharbat-e-deedaar ka
آئینہ خانہ میں اُن کے تجھ سے صدہا مہر ہیں
مہر کس منہ سے کیا ہے حوصلہ دِیدار کا
Aaeena khana mein un ke tujh se sadha mehr hain
Mehr kis moonh se kiya hai hosla deedaar ka
جلوہ گاہِ خاص کا عالم بتائے کوئی کیا
مہرِ عالم تاب ہے ذَرَّہ حریمِ یار کا
Jalwa gaah-e-khaas ka aalam bata'a'e koi kya
Mehr-e-aalam taab hai zarra hareem-e-yar ka
ہفت کشور ہی نہیں چودہ طبق روشن کئے
عرش و کرسی لامکاں پر بھی ہے جلوہ یار کا
Haft kesh'war hi nahi chaudah tabaq roshan kiye
Arsh o kursi la makaan par bhi hai jalwa yar ka
زَرد رُو کیوں ہوگیا خورشیدِ تاباں سچ بتا
دیکھ پایا جلوہ کیا اس مَطْلعِ اَنوار کا
Zarrd roo kyun ho gaya khursheed-e-taabaan sach bata
Dekh paya jalwa kya is matla-e-anwaar ka
ہفت کشور ہی نہیں چودہ طبق زیر نگیں
عرش و کرسی لامکاں کس کا مرے سرکار کا
Haft kesh'war hi nahi chaudah tabaq zair nageen
Arsh o kursi la makaan kis ka mere sarkar ka
یہ مہ و خور یہ ستارے چرخ کے فانوس ہیں
شمعِ روشن میں ہے جلوہ ترے رُخسار کا
Yeh mah o khur yeh sitaray charkh ke fanos hain
Shama-e-roshan mein hai jalwa tere rukhsar ka
مرقدِ نوریؔ پہ روشن ہے یہ لعل شب چراغ
یا چمکتا ہے ستارہ آپ کی پیزار کا
Marqad-e-Noori pe roshan hai yeh laal shab charagh
Ya chamakta hai sitara aap ki pezaar ka
Share This Naat
Share with friends and family
چارہ گر ہے دِل تو گھائل عشق کی تلوار کا
مفتی مصطفٰی رضا خان