عرض کیتی جبریل تلیاں نوں چُم کے چلو آقا رب دا پیام آگیا اے
سواری لئی در تے براق آیا تے واگاں پھڑن نوں غلام آ گیا اے
Arz keeti Jibreel taliyan nu chum ke chalo Aaqa Rab da payam aagya ae
Sawari lai dar te buraq aya te wagaan pharran nu ghulam aagya ae
جاں اقصیٰ چہ پہنچے محمد ﷺ پیارے نبی سن کھڑے انتظاری چہ سارے
تے نبیاں نوں آدم نے فرمان کیتا صفاں ٹھیک کر لَو امام آ گیا اے
Jaun Aqsa che pohnche Muhammad ﷺ pyare Nabi san khade intezari che saare
Te Nabiyan nu Adam ne farman kita Safaan theek kar lo Imaam aagya ae
جاں پہنچے فلک اُتے جگ دے سہارے تے راہواں دیوچ جاندے وچھدے سی تارے
سی فرمان سارے ملائک نوں ہویا جُھکو سارے خیر الانام آ گیا اے
Jaun pohnche falak ute jag de sehran te rahwaan deewich jande vichhde si taare
Si farmaan saare Malaik nu hoya Jhuko saare Khair-ul-Anaam aagya ae
محمد دے پیراں چہ سر نوں نوا کے ، عرض کیتی جبریل سدرہ تے جا کے
میں اَگے نہیں اک پیر جا سکدا آقا میرا آخری ایہ مقام آ گیا اے
Muhammad de peran che sar nu nawaa ke, Arz keeti Jibreel Sidra te ja ke
Mein agge nahi ik pair ja sakda Aaqa mera aakhri eh maqam aagya ae
خدا جانے کیسی ملاقات ہوئی ، یا جانے نبی کی سی گل بات ہوئی
بس ایناں پتہ عاصی اُمت لئی سوہنا شفاعت دا لیکے انعام آ گیا اے
Khuda jaane kaisi mulaqat hui, ya jaane Nabi ki si gal baat hui
Bas enan pata Aasi Ummat lai sohna shafa'at da laike inaam aagya ae
ہے ایہہ رات منگن دی جھولی پھیلاؤ، تے انعام سوہنے محمد ﷺ توں پاؤ
پڑھو سارے صلِ علیٰ مِل کے صائم زباں نے محمد دا نام آگیا اَے
Hai eh raat mangan di jholi phailaao, te inaam sohne Muhammad ﷺ ton pao
Parho saare Salli Ala mil ke Saaim zuban ne Muhammad da naam aagya ae
Share This Naat
Share with friends and family
عرض کیتی جبریل تلیاں نوں چُم کے
علامہ صائم چشتی