پردہ رُخِ اَنور سے جو اُٹھا شبِ معراج
جنت کا ہوا رنگ دوبالا شبِ معراج
parda rukhi anwar se jo uthha shab-e-miraj
jannat ka hua rang dobaala shab-e-miraj
حوروں نے بھی گایا یہ ترانہ شبِ معراج
خالق نے محمد کو بلایا شبِ معراج
hooron ne bhi gaya yeh tarana shab-e-miraj
khaaliq ne Muhammad ko bulaya shab-e-miraj
گیسو کھلے گھنگھور گھٹا اُٹھی کہ ہم پر
بارانِ کرم جھوم کے برسا شبِ معراج
gesu khule ghanghor ghata uthi ke hum par
baaran-e-karam jhoom ke barsa shab-e-miraj
اے رحمت عالم تیری رحمت کے تصدق
ہر ایک نے پایا ترا صدقہ شبِ معراج
aye rehmat-e-alam teri rehmat ke tasadduq
har ek ne paaya tera sadqa shab-e-miraj
جس وقت چلی شاہِ مَدینہ کی سواری
سجدے میں جھکا عرشِ مُعَلّٰی شبِ معراج
jis waqt chali shah-e-madina ki sawari
sajde mein jhuka arsh-e-mualla shab-e-miraj
خورشید و قمر اَرض و سما عرش و مَلائک
کس نے نہیں پایا ترا صدقہ شبِ معراج
khursheed o qamar arz o sama arsh o malaik
kis ne nahin paaya tera sadqa shab-e-miraj
وہ جوش تھا اَنوار کا اَفلاک کے اُوپر
ملتا نہ تھا نظارہ کو رَستہ شبِ معراج
woh josh tha anwaar ka aflaak ke upar
milta na tha nazara ko rasta shab-e-miraj
مہمان بلانے کے لیے اپنے نبی کو
اللہ نے جبریل کو بھیجا شبِ معراج
mehmaan bulane ke liye apne nabi ko
Allah ne Jibreel ko bheja shab-e-miraj
یہ شانِ جلالت کہ نہایت ہی اَدب سے
جبریل نے آقا کو جگایا شبِ معراج
ye shaan-e-jalalat ke nihayat hi adab se
Jibreel ne aaqa ko jagaya shab-e-miraj
جبریل بھی حیران ہوئے دیکھ کے رُتبہ
سدرہ سے قدم جب کہ بڑھایا شبِ معراج
Jibreel bhi hairan hue dekh ke rutba
sidra se qadam jab ke barhaya shab-e-miraj
جبریل تھکے ہوگئے سرکار روانہ
منہ تکتا ہوا رہ گیا سدرہ شبِ معراج
Jibreel thake hogaye sarkaar rawana
munh takta hua reh gaya sidra shab-e-miraj
ہمراہ سواری کے تھیں اَفواجِ مَلا ئک
بن کر چلے اس شان سے دولہا شبِ معراج
hamraah sawari ke theen afwaaj-e-malai'k
ban kar chale is shaan se dolha shab-e-miraj
یوں مسجد اَقصیٰ میں نماز اس نے پڑھائی
طالب سے ملیں پڑھ کے دوگانہ شبِ معراج
yun masjid-e-aqsa mein namaaz is ne parhai
talib se milen parh ke dogana shab-e-miraj
ہر ایک نبی بلکہ سب اَفلاک کے قدسی
پڑھتے تھے شہنشاہ کا خطبہ شبِ معراج
har ek nabi balke sab aflaak ke qudsi
parhte the shehensha ka khutba shab-e-miraj
جانِ دوجہاں رِفعت سرکار پہ قرباں
کہتا تھا یہ بڑھ بڑھ کر رَفَعْنَا شب معراج
jaan-e-dojahaan rifat sarkaar pe qurban
kehta tha yeh barh barh kar rafna shab-e-miraj
مُدت سے جو اَرمان تھا وہ آج نکالا
حوروں نے کیا خوب نظارہ شبِ معراج
muddat se jo armaan tha woh aaj nikala
hooron ne kya khoob nazara shab-e-miraj
آراستہ ہو خلد مؤدب ہوں فرشتے
یوں ہاتفِ غیبی نے پکارا شبِ معراج
araasta ho khald moedab hon farishte
yun hatif-e-ghaibi ne pukara shab-e-miraj
پیہم چلی آتی تھیں دُعاؤں کی صدائیں
ہر رات نبی کی ہو خدایا شبِ معراج
paiham chali aati thee duaaon ki sadaayein
har raat nabi ki ho khudaaya shab-e-miraj
تھی راستہ بھر اُن پہ دُرُودوں کی نچھاور
باندھا گیا تسلیم کا سہرا شبِ معراج
thi rasta bhar un pe duroodon ki nichhawar
baandha gaya tasleem ka sehra shab-e-miraj
دولہا تھے محمد تو براتی تھے فرشتے
اس شان سے پہنچے مرے مولیٰ شبِ معراج
dolha the Muhammad to barati the farishte
is shaan se pahunche mere maula shab-e-miraj
اللہ کی رحمت سے وہ مہکا گل وَحدت
خوشبو سے بسا عالم بالا شبِ معراج
Allah ki rehmat se woh mehka gul wahedat
khushboo se basa aalam baala shab-e-miraj
روشن ہوئے سب اَرض و سما نور سے اس کے
جب ماہِ عرب عرش پہ چمکا شبِ معراج
roshan hue sab arz o sama noor se is ke
jab mah-e-arab arsh pe chamka shab-e-miraj
تھا چرخِ چہارُم پہ کوئی طور کے اُوپر
سرکار گئے عرش سے بالا شبِ معراج
tha charkh-e-chaharam pe koi toor ke upar
sarkaar gaye arsh se baala shab-e-miraj
جب پہنچے مقامِ فَتَدَلّٰی پہ محمد
خالق سے رہا کچھ بھی نہ پردہ شبِ معراج
jab pahunche maqam-e-fadalla pe Muhammad
khaaliq se raha kuch bhi na parda shab-e-miraj
اے صَلِّ عَلٰی بزمِ تَدَلّٰی میں پہنچ کر
اس ذات میں گم ہوگئے آقا شبِ معراج
ay salli ala bazm-e-fadalla mein pahunch kar
is zaat mein gum hogaye aaqa shab-e-miraj
ممکن ہی نہیں عقل دوعالم کی رَسائی
ایسا دیا اللہ نے رتبہ شب معراج
mumkin hi nahi aql do aalam ki rasai
aisa diya Allah ne rutba shab-e-miraj
عرش و مَلک و اَرض و سما جنت و دوزخ
اس شاہ نے ہر چیز کو دیکھا شبِ معراج
arsh o malak o arz o sama jannat o dozakh
is shah ne har cheez ko dekha shab-e-miraj
تفصیل سے کی سیر مگر اس پہ یہ طرہ
اِک پل میں یہ طے ہوگیا رَستہ شبِ معراج
tafseel se ki sair magar is pe ye turra
ek pal mein ye tay hogaya rasta shab-e-miraj
زنجیر در پاک کی ہلتی ہوئی پائی
اور گرم تھا وہ بستر اعلیٰ شبِ معراج
zanjeer dar paak ki hilti hui payi
aur garm tha woh bistar ala shab-e-miraj
اے ماہِ مَدینہ تری تنویر کے قرباں
چمکا دیا اُمت کا نصیبہ شبِ معراج
ay mah-e-madina teri tanveer ke qurban
chamka diya umat ka naseeba shab-e-miraj
لو عاصیو وہ تم کو وہاں پر بھی نہ بھولے
کاٹا گیا عصیاں کا سیاہا شبِ معراج
lo asiyo woh tum ko wahan par bhi na bhoole
kaata gaya isyan ka siyaha shab-e-miraj
اے مومنو مژدہ کہ وہ اللہ سے لائے
بخشائش اُمت کا قبالہ شبِ معراج
aye momino mujda ke woh Allah se laaye
bakhshish umat ka qabala shab-e-miraj
بھیجوں گا میں اُمت کو تری خلد میں پہلے
حق نے کیا محبوب سے وعدہ شبِ معراج
bhejunga mein umat ko tere khald mein pehle
haq ne kiya mehboob se waada shab-e-miraj
اُس میں سے جمیلؔ رضوی کو بھی عطا ہو
رحمت کا بٹا خاص جو حصہ شبِ معراج
us mein se Jameel Rizvi ko bhi ata ho
rehmat ka bata khaas jo hissa shab-e-miraj
Share This Naat
Share with friends and family
پردہ رُخِ اَنور سے جو اُٹھا شبِ معراج
جمیل الرحمن قادری