طلوعِ شمس بھی واری جمالِ ماہ بھی نازاں
جہانِ رنگ و بو کی رونقیں ساری ترے قرباں
Tulu-e-shams bhi wari jamal-e-mah bhi nazan
Jahan-e-rang-o-boo ki ronqain sari tere qurban
سسکتی زندگی آنے سے تیرے مُسکرا اُٹھی
جہاں ظلمت کدہ تھا تجھ سے پہلے محسنِ انساں
Sasakti zindagi anay se tere muskra uthhi
Jahan zulmat kadah tha tujh se pehlay mohsin-e-insaan
تمہی ہو شاہکارِ لم یزل مقصودِ ہر عالم
حبیبِ رب تری چاہت خدا کے عدل کی میزاں
Tumhi ho shahkar-e-lam yazal maqsood-e-har alam
Habib-e-rab teri chahat khuda ke adl ki mezan
جہاں کی رہبری کا تاج بس تیرے ہی شایاں ہے
تمہی ہو مقصدِ قرآں تمہی ہو حاصلِ ایماں
Jahan ki rehberi ka taj bas tere hi shayaan hai
Tumhi ho maqsd-e-Quran tumhi ho hasil-e-imaan
عطا ہو ہم کو بھی اِک بوند بحرِ عشقِ جامیؒ سے
کوئی آنسو کوئی رقّت کوئی کیفِ شبِ ہجراں
Ata ho hum ko bhi ek boond bahr-e-ishq-e-Jamiؒ se
Koi aansu koi raqqat koi kaif-e-shab-e-hijraan
ترا دربار وہ ہر پل بٹے خیرات عالم میں
تمہاری ذات وہ جس کو کہیں ہر دور کا سلطاں
Tera darbar woh har pal batay khairat alam mein
Tumhari zaat woh jis ko kahin har daur ka sultan
نہ گھبرانا مصائب میں وظیفہ ہے غلاموں کا
سجا محفل درودوں کی پکار اُن کو دلِ ناداں
Na ghabrana masaib mein wazifa hai ghulamon ka
Saja mehfil daroodon ki pukar unko dil-e-nadaan
شکیلِؔ بے سروساماں ترے ہی آسرے پر ہے
تمہی ہو چارہ گر اس کے تمہی ہر درد کے درماں
Shakeelؔ be sar-o-samaan tere hi aasray par hai
Tumhi ho charahgar is ke tumhi har dard ke durmaan
Share This Naat
Share with friends and family
طلوعِ شمس بھی واری جمالِ ماہ بھی نازاں
محمد شکیل نقشبندی