نارِ دوزخ کو چمن کر دے بہار عارِض
ظلمتِ حشر کو دِن کر دے نہارِ عارِض
Naar-e-dozakh ko chaman kar de bahar-e-aariz
Zulmat-e-hashar ko din kar de nahar-e-aariz
میں تو کیا چیز ہوں خود صاحبِ قرآں کو شہا
لاکھ مصحف سے پسند آئی بہارِ عارِض
Main to kya cheez hoon khud sahib-e-Quran ko shaha
Laakh mus-haf se pasand aayi bahar-e-aariz
جیسے قرآن ہے وِرد اس گلِ محبوبی کا
یُوں ہی قرآں کا وظیفہ ہے وقارِ عارِض
Jaise Quran hai wird iss gul-e-mahboobi ka
Yun hi Qur'an ka wazifa hai waqar-e-aariz
گرچہ قرآں ہے نہ قرآں کی برابر لیکن
کچھ تو ہے جس پہ ہے وہ مَدح نگارِ عارِض
Garchah Qur'an hai na Qur'an ki barabar lekin
Kuch to hai jis pe hai woh madah nigar-e-aariz
طُور کیا عرش جلے دیکھ کے وہ جلوۂ گرم
آپ عارِض ہو مگر آئینہ دارِ عارِض
Toor kya arsh jale dekh ke woh jalwah-e-garm
Aap aariz ho magar aina-e-daar-e-aariz
طرفہ عالم ہے وہ قرآن اِدھر دیکھیں اُدھر
مصحفِ پاک ہو حیران بہارِ عارض
Tarfah aalam hai woh Qur'an idhar dekhein udhar
Mus-haf-e-pak ho hairan bahar-e-aariz
ترجمہ ہے یہ صفت کا وہ خود آئینۂ ذات
کیوں نہ مصحف سے زیادہ ہو وقارِ عارض
Tarjuma hai yeh sifat ka woh khud aina-e-zaat
Kyun na mus-haf se zyada ho waqar-e-aariz
جلوہ فرمائیں رخِ دل کی سیاہی مِٹ جائے
صبح ہو جائے الٰہی شبِ تارِ عارض
Jalwa farmaein rukh-e-dil ki siyahi mit jaye
Subah ho jaye ilahi shab-e-taar-e-aariz
نامِ حق پر کرے محبوب دل و جاں قرباں
حق کرے عرش سے تا فرش نثارِ عارض
Naam-e-haq par kareh mahboob dil o jaan qurban
Haq kare arsh se ta farsh nisaar-e-aariz
مشک بو زلف سے رُخ چہرہ سے بالوں میں شعاع
معجزہ ہے حلبِ زلف و تتارِ عارض
Mushk bu zulf se rukh chehra se baalon mein shuaa
Mo'jiza hai halab-e-zulf o tatar-e-aariz
حق نے بخشا ہے کرم نذرِ گدایاں ہو قبول
پیارے اِک دِ ل ہے وہ کرتے ہیں نثارِ عارض
Haq ne bakhsha hai karam nazar-e-gadayan ho qubool
Pyare ik dil hai woh karte hain nisaar-e-aariz
آہ بے مایگیِ دل کہ رضاؔئے محتاج
لے کر اِک جان چلا بہر نثارِ عارض
Aah bay maayagi-e-dil ke Raza aye mohtaaj
Le kar ik jaan chala beher nisaar-e-aariz
Share This Naat
Share with friends and family
نارِ دوزخ کو چمن کر دے بہار عارِض
احمد رضا خان بریلوی