عبدِ عاجز کو ہے شوقِ رقمِ نعتِ رسولؐ
ذہنِ حسّانؓ! اِدھر بھی ہو توجّہ مبذول
Abd-e aajiz ko hai shauq-e raqam-e naat-e Rasoolؐ
Zehan-e Hassaanؓ! Idhar bhi ho tawajjo Mabzool
تیرے اشعار میں محفوظ ہے پیکر اُن کا
تیرے افکار پہ ہے سایہ کُناں زلفِ رَسولؐ
Tere ashaar mein mehfooz hai paikar unka
Tere afkaar pe hai saaya kunaan zulf-e Rasoolؐ
تیری آنکھوں میں ہیں رقصاں وہ مناظر سارے
تُو نے دیکھی وہ جبیں اور وہ چشمِ مکحول
Teri aankhon mein hain raqsan woh manazir saare
Tu ne dekhi woh jabeen aur woh chashm-e makhool
تیرے دامن سے مجھے اُن کی مہک آتی ہے
تیری فطرت میں ہے بیشک اُسی خوشبو کا حُلُول
Tere daman se mujhe un ki mehak aati hai
Teri fitrat mein hai beshak usi khushboo ka hulool
تُو نے اُس ذاتِ گرامی کا زمانہ پایا
تیری توصیف میں جبریلِ ؑ امیں کا ہے شَمُول
Tu ne us zaat-e graami ka zamana paaya
Teri tauseef mein Jibreel-eؑ ameen ka hai shamool
منبرِ نعت کی تُو نے ہی صدارت پائی
شعر تیرے صفِ اَعدا پہ تھے سیف مسلُول
Minbar-e naat ki tu ne hi sadarat paayi
She'r tere saf-e ada pe the saif maslool
نرم لہجے میں وہ باتیں، وہ تبّسم اُن کا
حافظے میں ترے موجود ہیں وہ رنگ، وہ پھُول
Narm lehje mein woh baatein, woh tabassum unka
Hafize mein tere maujood hain woh rang, woh phool
زنگِ عصیاں سے مِرے دل کا ہے آئینہ سیاہ
پر توِ نُور سے ہے تیری جبلّت مصقول
Zang-e isyaan se mire dil ka hai aaeena siyaah
Par too-e noor se hai teri jabillat masqool
اک ذرا اُس شہِ خوباں کے خدوخال بتا
جس کا جلوہ ترے اشعار کی ہے شانِ نُزول
Ik zara us Sheh-e khoobaan ke khudokhaal bata
Jis ka jalwa tere ashaar ki hai shaan-e nuzool
وہ کہ خورشیدِ ازل ہے بہ سرِ چرخِ وُجود
جسے لاحق نہیں تا شامِ اَبد خوفِ اُفول
Woh ke khursheed-e azal hai ba sar-e charkh-e wajood
Jise laahik nahin taa shaam-e abad khauf-e uful
Share This Naat
Share with friends and family
عبدِ عاجز کو ہے شوقِ رقمِ نعتِ رسولؐ
سید نصیرالدیں نصیر