!مجھ کو ترے کرم کا سہارا ہے اے کریم
!بے چارگاں کا تُو ہی تو چارا ہے اَے کریم
Mujh ko tere karam ka sahara hai aye Kareem
Becharga'n ka tu hi to chara hai aye Kareem
!ٹوٹی ہے ناؤ زور پر دھارا ہے اے کریم
!اَور بحرِ غم کا دُور کنارا ہے اَے کریم
Tooti hai nao zor par dhara hai aye Kareem
Aur bahr-e-gham ka door kinara hai aye Kareem
تُو ہی تو ناخدا بھی ہمارا ہے اے کریم
!لے دے کے ایک تیرا سہارا ہے اَے کریم
Tu hi to nakhuda bhi hamara hai aye Kareem
Le de ke aik tera sahara hai aye Kareem
اُس پر کرم کی بارشیں ہوتی رہیں مدام
!جس نے خلوصِ دل سے پکارا ہے" اے کریم "
Us par karam ki barishen hoti rahen madam
Jis ne khuloos-e-dil se pukara hai "aye Kareem"
کس کا ہے بندہ تائبؔ ناچیز یہ نہ پُوچھ
!تیرے نبی ؐ کا اور تُمہارا ہے اے کریم
Kis ka hai banda Taib na'cheez yeh na pooch
Tere Nabi (S.A.W) ka aur tumhara hai aye Kareem
Share This Naat
Share with friends and family
!مجھ کو ترے کرم کا سہارا ہے اَے کریم
حفیظ تائب