آپؐ کے در کا گدا ہوں یانبیؐ امداد کن
ہاتھ پھیلائے کھڑا ہوں یانبیؐ امداد کن
Aapؐ ke dar ka gada hoon yanabiؐ imdad kan
Haat phelaye khada hoon yanabiؐ imdad kan
پڑ گئی جب بھی مجھے جو بھی ضرورت یانبیؐ
آپ ہی سے مانگتا ہوں یانبیؐ امداد کن
Parh gayi jab bhi mujhe jo bhi zarurat yanabiؐ
Aap hi se mangta hoon yanabiؐ imdad kan
مونس و غمخوار کوئی بھی نہیں تیرےؐ سوا
تیریؐ جانب تک رہا ہوں یانبیؐ امداد کن
Monis o ghamkhaar koi bhi nahin tereؐ siwa
Teriؐ janib tak raha hoon yanabiؐ imdad kan
آنسوؤں کے ہار لایا ہوں ترےؐ دربار میں
دل گرفتہ رو رہا ہوں یانبیؐ امداد کن
Aansoon ke haar laya hoon tereؐ darbaar mein
Dil girifta ro raha hoon yanabiؐ imdad kan
بوجھ عصیاں کا اٹھائے بجھ نہ جاؤں راہ میں
آخر شب کا دیا ہوں یانبیؐ امداد کن
Bojh isyaan ka uthaye bujh na jaoon raah mein
Aakhir shab ka diya hoon yanabiؐ imdad kan
بارِ عصیاں اپنے کاندھوں پر لئے بہر نجات
تیرے در پر آگیا ہوں یانبیؐ امداد کن
Baar e isyaan apne kaandhon par liye bahr e najaat
Tere dar par aagaya hoon yanabiؐ imdad kan
مانگنے کا بھی ہنر آتا نہیں اشفاقؔ کو
بے ہنر ہے بے نوا ہے یانبیؐ امداد کن
Mangne ka bhi hunar aata nahin Ashfaqؔ ko
Be hunar hai be nawa hai yanabiؐ imdad kan
Share This Naat
Share with friends and family
آپؐ کے در کا گدا ہوں یانبیؐ امداد کن
اشفاق احمد غوری