لاشریک و لم یزل رب رب ہی معبودِ جہاں ہے
بارگاہِ ایزدی ہی سجدہ گاہِ کُن فکاں ہے
Lasharik o lam yazal rab rab hi mabood-e-jahan hai
Bargah-e-izdi hi sajdah gah-e-kun fakan hai
آمدِ سرور کے صدقے سارا عالم ضوفشاں ہے
ذرہ ذرہ فرشِ گیتی کا مثالِ کہکشاں ہے
Amad-e-sarwar ke sadqe sara alam zaufashan hai
Zarra zarra farsh-e-geeti ka misaal-e-kehkashan hai
ہادیِ بر حق نے بدلا ایسا طرزِ زندگانی
کل کا گم گشتہ مسافر آج میرِ کارواں ہے
Hadi-e-bar haqq ne badla aisa tarz-e-zindagani
Kal ka gum gashta musafir aaj mir-e-karwan hai
ماورا ادراک سے ہے منزلِ اوج پیمبر
آپ کے زیرِ کفِ پا رفعتِ کل آسماں ہے
Mawara idraak se hai manzil-e-oj paighambar
Aap ke zeere kaf-e-pa rufat-e-kul asman hai
جس کے دل میں واقعی ہے خوفِ داور حُبِ سرور
وہ دو عالم میں یقیناً کامراں ہے کامراں ہے
Jis ke dil mein waqai hai khauf-e-dawar hub-e-sarwar
Woh do alam mein yaqeenan kamran hai kamran hai
اللہ اللہ زوج و زوجہ کی محبت کا دوام
جو تھا حجرہ عائشہ کا اب نبیؐ کا آستاں ہے
Allah Allah zaujj o zauja ki mohabbat ka dawam
Jo tha hujra Ayesha ka ab Nabiؐ ka aastan hai
باغیانِ دیں کی سرکوبی کے تیور سے ہے ظاہر
عزمِ صدیقی کے آگے سرنگوں کوہِ گراں ہے
Baghiyan-e-deen ki sarkobi ke tayur se hai zahir
Azm-e-siddiqi ke aage sarnegoon koh-e-giran hai
عدل کی تھی شمع روشن امن کا تھا بول بالا
وہ عمر فاروق جیسا عہدِ زریں اب کہاں ہے
Adl ki thi shama roshan amn ka tha bol bala
Woh Umar Farooq jaisa ahd-e-zareen ab kahan hai
وہ حیاداریِ عثماں، وہ غنی کی بردباری
ذکر جس کا بر زبانِ ساکنانِ آسماں ہے
Woh haya dari-e-Usman, woh Ghani ki bardabari
Zikr jis ka bar zaban-e-sakinan-e-asman hai
بخشتے کیوں کر نہ حیدر زیر دشمن کی خطائیں
نفس غالب آپ پر ہو یہ بھلا ممکن کہاں ہے
Bakshte kyun kar na Haider zer dushman ki khataein
Nafs ghalib aap par ho yeh bhala mumkin kahan hai
دیدِ طیبہ کا شرف اب تو عطا کر دے خدایا
کب سے اذنِ حاضری کا منتظر احسؔن یہاں ہے
Deed-e-taybah ka sharaf ab to ata kar de Khudaya
Kab se azn-e-hazri ka muntazir Ahsan yahan hai
Share This Naat
Share with friends and family
لاشریک و لم یزل رب رب ہی معبودِ جہاں ہے
احسن اعظمی