خدا کے لُطف و کرم پر نظر نہیں رکھتے
در ِحبیبؐ پہ جو اپنا سَر نہیں رکھتے
Khuda ke lutf o karam par nazar nahi rakhte
dar e Habib (SAW) pe jo apna sar nahi rakhte
شفاعت اُن کی جو پیشِ نظر نہیں رکھتے
وسیلہ حشر میں وہ معتبر نہیں رکھتے
Shafaat un ki jo paish e nazar nahi rakhte
waseela hashr mein woh mu'atabar nahi rakhte
جو بے خبر ہیں محمدؐ کے عشق سے اب تک
قسم خدا کی وہ اپنی خبر نہیں رکھتے
Jo be khabar hain Mohammad (SAW) ke ishq se ab tak
kasam Khuda ki woh apni khabar nahi rakhte
ملے گا اذنِ حضوری تو اُڑ کے جائیں گے
کہا یہ کس نے کہ ہم بال و پَر نہیں رکھتے
Mile ga azn e huzoori to ud ke jayein ge
kaha ye kis ne ke hum baal o par nahi rakhte
سوال ہی نہیں ایسوں کی سر بُلندی کا
جو آستانِ محمدؐ پہ سَر نہیں رکھتے
Sawaal hi nahi aison ki sar bulandi ka
jo aastan e Mohammad (SAW) pe sar nahi rakhte
دیار پاک ہی اپنی مُراد ، اپنا وطن
بس ایک گھر ہے کوئی اور گھر نہیں رکھتے
Dayaar e paak hi apni muraad, apna watan
bas ek ghar hai koi aur ghar nahi rakhte
جو اُن کے دَر کے گدا ہیں وہی ہیں دل کے غنی
وہ ذرّہ بھر طلبِ سیم و زر نہیں رکھتے
Jo un ke dar ke gada hain wohi hain dil ke ghani
woh zarra bhar talab e seem o zar nahi rakhte
وہ لائیں بزمِ رسالتؐ میں نعت کے اشعار
جو مال و دولت و لعل و گُہر نہیں رکھتے
Woh laayein bazm e Risaalat (SAW) mein naat ke ashaar
jo maal o daulat o la'al o gohar nahi rakhte
نصیرؔ وہ جو بُلائیں تو کون رُکتا ہے
وہ جا پہنچتے ہیں جو بال و پَر نہیں رکھتے
Naseer (RA) woh jo bulaaein to kaun rukta hai
woh ja pahunchte hain jo baal o par nahi rakhte
Share This Naat
Share with friends and family
خدا کے لُطف و کرم پر نظر نہیں رکھتے
سید نصیرالدیں نصیر