دنیا ہے ایک دشت ‘تو گلزار آپ ہیں
اس تیرگی میں ‘ مطلعِ انوار آپ ہیں
Dunya hai aik dasht 'to gulzar aap hain
Is teeragi mein 'matla-e-anwar aap hain
یہ بھی ہے سچ ‘ کہ آپ کی گُفتار ہے جمیل
یہ بھی ہے حق ‘کہ صاحبِ کردار آپ ہیں
Yeh bhi hai sach 'ke aap ki guftar hai jameel
Yeh bhi hai haq 'ke sahib-e-kirdar aap hain
ہو لاکھ آفتابِ قیامت کی دھوپ تیز
میرے لیے تو سایہء دیوار آپ ہیں
Ho laakh aftaab-e-qayamat ki dhoop teez
Mere liye to saaya-e-deewar aap hain
یہ فخر کم نہیں کہ میں ہوں جس کی گردِ رَہ
اُس قافلے کے قافلہ سالار آپ ہیں
Yeh fakhr kam nahi ke main hoon jis ki gard-e-rah
Us qafle ke qafila salaar aap hain
دربارِ شہ میں بھی میں اگر سر کشیدہ ہوں
اس کا ہے یہ سبب ‘ مرا پِندار آپ ہیں
Darbar-e-sheh mein bhi main agar sar kashida hoon
Is ka hai yeh sabab 'mera pindar aap hain
مجھ کو کسی سے حاجتِ چارہ گری نہیں
ہر غم مجھے عزیز کہ غم خوار آپ ہیں
Mujh ko kisi se haajat-e-charah gari nahi
Har gham mujhe aziz ke gham khuwar aap hain
مجھ پر ‘ بہ جرمِ غربت و دامن دَریدگی
سب لوگ خندہ زن ہیں تو گُلبار آپ ہیں
Mujh par 'bah jurm-e-ghurbat o daman dareedgi
Sab log khanda zan hain to gulbar aap hain
ہے میرے لفظ لفظ میں گر حسن و دِلکشی
اس کا یہ راز ہے مرا معیار آپ ہیں
Hai mere lafz lafz mein gar husn o dilkashi
Is ka yeh raaz hai mera mayaar aap hain
انسان مال و زر کے جنوں میں ہیں مبتلا
اس حشرمیں ندیمؔ کو درکار آپ ہیں
Insan maal o zar ke junoon mein hain mubtala
Is hash-rmein Nadeem ko darkar aap hain
Share This Naat
Share with friends and family
دنیا ہے ایک دشت ‘تو گلزار آپ ہیں
احمد ندیم قاسمی