نگاہِ مہر جو اس مہر کی اِدھر ہوجائے
گنہ کے داغ مٹیں دِل مرا قمر ہوجائے
nigah-e mehr jo us mehr ki idhar hojaye
gunah ke daagh mitain dil mera qamar hojaye
جو قلب تیرہ پہ تیری کبھی نظر ہوجائے
تو ایک نور کا بقعہ وہ سر بسر ہوجائے
jo qalb teerah pe teri kabhi nazar hojaye
to ek noor ka buq'a woh sar basar hojaye
ہماری کشتِ اَمَل میں کبھی تو پھل آئے
کبھی تو شجرئہ امید بار وَر ہوجائے
hamari kasht-e amal mein kabhi to phal aaye
kabhi to shajra-e umeed baar war hojaye
کبھی تو ایسا ہو یارب وہ دَر ہو اور یہ سر
کبھی تو ان کی گلی میں مرا گزر ہوجائے
kabhi to aisa ho ya rab woh dar ho aur yeh sar
kabhi to un ki gali mein mera guzar hojaye
ہمارا سر ہو خدایا حبیب کا در ہو
ہماری عمر الٰہی یونہی بسر ہوجائے
hamara sar ho khudaya habib ka dar ho
hamari umr elahi yunhi basar hojaye
جو سچے دل سے کہے کوئی یَارَسُوْلَ اللہ
مصیبتیں بھی ٹلیں ہر مہم بھی سر ہوجائے
jo sachay dil se kahe koi ya rasul Allah
maseebatain bhi talin har muhim bhi sar hojaye
مری مصیبتوں کا سلسلہ ابھی کٹ جائے
اِشارہ اَبروئے خم دار کا اگر ہوجائے
mari museebaton ka silsila abhi kat jaye
ishara abro-e kham daar ka agar hojaye
تڑپ رہے ہیں فراقِ حبیب میں عاشق
الٰہی راہ مَدینہ کی بے خطر ہوجائے
tarap rahay hain faraq-e habib mein aashiq
elahi raah-e madinah ki be khatar hojaye
ترے غضب سے ہوں غارت یہ دَہر کے شیطاں
بنے غلام ہر اک ان میں دَر بدر ہوجائے
tere ghazab se hon ghaarath yeh dahr ke shetan
bane ghulam har ek in mein dar badar hojaye
جو آپ چاہیں تو ہیزم کو دم میں سبز کریں
کرم جو آپ کا ہو خلد کا شجر ہوجائے
jo aap chahain to hezam ko dam mein sabz karein
karam jo aap ka ho khuld ka shajar hojaye
خدا کے فضل سے ہر خشک و تر پہ قدرت ہے
جو چاہو تر ہو ابھی خشک، خشک تر ہوجائے
khuda ke fazl se har khushk o tar pe qudrat hai
jo chaho tar ho abhi khushk, khushk tar hojaye
عیاں ہے دَبدبہ تیرا سماوا ساوہ سے
ہماری کھیتی بھی سوکھی ہے پیارے تر ہوجائے
ayan hai dabdaba tera samawa sawah se
hamari kheti bhi sookhi hai pyare tar hojaye
جو کاسہ تاج کا لے کر تمہارے در پر آئے
تو بادشاہ حقیقت میں تاجوَر ہوجائے
jo kasa taj ka le kar tumhare dar par aaye
to badshah haqeeqat mein tajwar hojaye
ترے گداؤں کی پاپوش تاجِ سلطاں ہے
وہ جس کے سر پہ رکھیں نعل تاجوَر ہوجائے
tere gadaon ki papoash taj-e sultan hai
woh jis ke sar pe rakhain naal tajwar hojaye
جو آپ ہوں مرے پلے پہ پھر مجھے کیا ڈر
جدھر نگاہِ کرم ہو خدا ادھر ہوجائے
jo aap hon mere palay pe phir mujhe kya dar
jidhar nigah-e karam ho khuda idhar hojaye
جو خوا ب میں کبھی تشریف لائیں جانِ قمر
تو ان کے نور سے معمور سارا گھر ہوجائے
jo khwaab mein kabhi tashreef laayein jaan-e qamar
to un ke noor se mamoor sara ghar hojaye
خدا نے قلبِ حقیقت تمہارے ہاتھ کیا
جو شاخ لڑنے کو دو تیغ اور تبر ہوجائے
khuda ne qalb-e haqeeqat tumhare haath kiya
jo shaakh larnay ko do tegh aur tabar hojaye
جو وقتِ وَزْن گراں پلہ ہو گناہوں کا
شفاعت آپ کی اس دم مری سپر ہوجائے
jo waqt-e wazan giraan pala ho gunahon ka
shafaat aap ki us dam meri sipar hojaye
اندھیری شب میں کرم سے تمہارے اے سروَر
عصا صحابہ کا فانوسِ راہبر ہوجائے
andheri shab mein karam se tumhare ae sarwar
asa sahaba ka fanoos-e raahbar hojaye
خدا نے غیب تمہارے لیے حضور کیا
جو راز دل میں چھپے ہوں تمہیں خبر ہوجائے
khuda ne ghaib tumhare liye huzoor kiya
jo raaz dil mein chhupe hon tumhe khabar hojaye
وہ آئیں تیرگی ہو دور میرے گھر بھر کی
شبِ فراق کی یارب کبھی سحر ہوجائے
woh aayein tirgi ho door mere ghar bhar ki
shab-e faraq ki ya rab kabhi sehar hojaye
حجاب اٹھیں جو مرقد سے ان کے روضہ تک
اندھیرا قبر کا مٹ جائے دوپہر ہوجائے
hijab uthein jo marqad se unke roza tak
andhera qabr ka mit jaye dopahar hojaye
ترے حبیب کے دشمن ہیںاور خود تیرے
ہر ایک ان میں کا فِی النَّارِوَالسَّقَر ہوجائے
tere habib ke dushman hain aur khud tere
har ek in mein ka fi al-nnari wal-sqar hojaye
کنارِ عاطفتِ ہاوِیہ میں اِک اِک جائے
جو ماں کی گود میں بیٹھے تو خوش پسر ہوجائے
kinaar-e aatfat-e hawiyah mein ik ik jaye
jo maan ki god mein baithay to khush pisar hojaye
سراپا آگ کے دریا میں ڈوب جائیں یہ
اگر حمیم کا دریا کمر کمر ہوجائے
sarapa aag ke darya mein doob jayein yeh
agar hameem ka darya kamar kamar hojaye
چمک اُٹھے مری قسمت کا تارا اے نوریؔ
اگر وہ غیرت ِ خورشید میرے گھر ہوجائے
chamak uthay meri qismat ka tara ae noori
agar woh gherat-e khursheed mere ghar hojaye
Share This Naat
Share with friends and family
نگاہِ مہر جو اس مہر کی اِدھر ہوجائے
مفتی مصطفٰی رضا خان