نعتِ حضرتؐ مری پہچان ہے سبحان اللہ
یہی دنیا ، یہی ایمان ہے سبحان اللہ
Naat-e-Hazrtؐ meri pehchan hai Subhan Allah
Yehi dunya, yehi imaan hai Subhan Allah
جس سے پہلےکسی تخلیق کا عنواں بھی نہ تھا
وہ مرے شعر کا عنوا ن ہے سبحان اللہ
Jis se pehle kisi takhleeq ka unwaan bhi na tha
Woh mere sheʿr ka unwaan hai Subhan Allah
میں گنہگار و خطا کار مگر اُس کی یاد
مہرباں مجھ پہ بہر آن ہے سبحان اللہ
Main gunahgaar o khata kaar magar us ki yaad
Meherbaan mujh pe ba-har aan hai Subhan Allah
جس پہ مرکوز ہیں سب نکتہ وروں کی نظریں
ایک اُمّی کا دبستان ہے سبحان اللہ
Jis pe markooz hain sab nukta waroon ki nazrein
Ek ummi ka dabestaan hai Subhan Allah
جو بنو سعد کے ریوڑ کا محافظ تھا کبھی
وہ دو عالم کا نگہبان ہے سبحان اللہ
Jo Banu Sa’d ke reewṛ ka muhaafiz tha kabhi
Woh do alam ka nigahban hai Subhan Allah
جو چٹائی پہ جھکائے ہوئے سر بیٹھا ہے
دین و دنیا کا وہ سلطان ہے سبحان اللہ
Jo chataai pe jhukaaye hue sar baitha hai
Deen o dunya ka woh sultaan hai Subhan Allah
یاد ہے بات مجھے حضرتِ صدیقہ کی
آپ کا خُلق بھی قران ہے سبحان اللہ
Yaad hai baat mujhe Hazrat-e-Siddiqa ki
Aap ka khulq bhi Quraan hai Subhan Allah
Share This Naat
Share with friends and family
نعتِ حضرتؐ مری پہچان ہے سبحان اللہ
حفیظ تائب