کوئی جدوں مدینے ٹردا اے اتھرو نہ جاندے ٹھلے نیں
جنھاں نوں بلاوا آجائے اونہاں دےبھاگ سولے نیں
Koi jadon Madine turrda ae athru na jande thalle ne
Jinnaan nu bulawa aajaye onha de bhag sole ne
گل نئیں کوہجے تے سوہنے دی ایہہ مرضی اے من موہنے دی
سرکارؐ جنھاں نوں سدیا اے خوش بخت مدینے چلے نیں
Gal nahi kohje te sohne di eh marzi ae man mohne di
Sarkarؐ jinnaan nu sadiya ae khush bakht Madine challe ne
کوئی بولے بھانویں نہ بولے نہ درد ونڈے نہ دکھ پھولے
اساں چھڈ کے ساری دنیا نوں سوہنے دے بوہے ملے نیں
Koi bole bhaven na bole na dard vande na dukh phule
Asaan chhad ke saari duniya nu sohne de buhe mle ne
جو عشق نبی وچ روندے نیں اوہ رب نوں پیارے ہوندے نیں
ایہہ دنیا والے اوہناں نوں پئے آکھن کملے جھلے نیں
Jo ishq Nabi vich ronde ne oh Rab nu pyare honde ne
Eh duniya wale onhan nu paye aakhan kamle jhalle ne
دنیا دا ماریا رو رو کے آخر تے چپ کر جاندا اے
دے کون تسلی عاشق نوں جنھوں لگ گئے روگ اولے نیں
Duniya da mariya ro ro ke aakhar te chup kar janda ae
De kaun tasalli aashiq nu jinhon lag gaye rog ole ne
شاید منظوری مل جائے عاصی دے اس نذرانے نوں
ہنجواں دے ہار بنا کے تے سرکارؐ نوں اساں وی گھلے نیں
Shaayad manzoori mil jaye aasi de is nazrane nu
Hanjwaan de haar bana ke te Sarkarؐ nu asaan vI ghle ne
وچ قبر ظہوریؔ پچھن گے دس کیہڑے عمل لیایا ایں
میں آکھاں گا سرکارؐ دیا کچھ نعتاں میرے پلے نی
Vich qabr Zahooriؔ puchhan ge das kehre amal layaya ain
Main aakhan ga Sarkarؐ diya kuch naatan mere pley ni
Share This Naat
Share with friends and family
کوئی جدوں مدینے ٹردا اے
محمد علی ظہوری