زمین و زماں تمہارے لئے مَکِین و مکاں تمہارے لئے
چُنین و چُناں تمہارے لئے بنے دو جہاں تمہارے لئے
Zameen o zamaan tumhare liye makīn o makaan tumhare liye
Chunīn o chunaan tumhare liye bane do jahan tumhare liye
دَہن میں زباں تمہارے لئے بدن میں ہے جاں تمہارے لئے
ہم آئے یہاں تمہارے لئے اٹھیں بھی وہاں تمہارے لئے
Dahan mein zubaan tumhare liye badan mein hai jaan tumhare liye
Hum aaye yahan tumhare liye uthay bhi wahan tumhare liye
فرشتے خِدَم رسول حِشم تمامِ اُمَم غلامِ کرم
وُجُود و عَدم حُدوث و قِدم جہاں میں عِیاں تمہارے لئے
Farishtay khidam Rasool hishm tamaam umam g̱hulam karam
Wajood o adam hudoos o qidam jahan mein ayaan tumhare liye
کَلِیم و نَجی مَسیح و صَفی خلیل و رَضی رسول و نبی
عَتیق و وَصی غَنی و علی ثَنا کی زباں تمہارے لئے
Kalim o niji Masīh o safī Khalil o razi Rasool o nabi
Atiq o wasī̱ ghani o Ali sana ki zubaan tumhare liye
اِصالتِ کل امامتِ کل سِیادَتِ کل اِمارتِ کل
حکومتِ کل وِلایتِ کل خدا کے یہاں تمہارے لئے
Isalat-i kul imamat-i kul siyadat-i kul imarat-i kul
Hukoomat-i kul wilayat-i kul khuda ke yahan tumhare liye
تمہاری چمک تمہاری دمک تمہاری جھلک تمہاری مہک
زمین و فلک سِماک و سمک میں سکہ نشاں تمہارے لئے
Tumhari chamak tumhari damak tumhari jhalak tumhari mehak
Zameen o falak simak o samak mein sikka nishaan tumhare liye
وہ کَنزِ نِہاں یہ نورِ فَشاں وہ کُن سے عِیاں یہ بزمِ فَکاں
یہ ہر تن و جاں یہ باغِ جناں یہ سارا سماں تمہارے لئے
Wo kanz-i nihān yeh noor-i fashān wo kun se ayaan yeh bazm-i fakaan
Yeh har tan o jaan yeh bagh-i janaan yeh saara samaan tumhare liye
ظُہورِ نِہاں قیامِ جہاں رکوعِ مِہاں سجودِ شَہاں
نیازیں یہاں نمازیں وہاں یہ کس لئے ہاں تمہارے لئے
Zahoor-i nihān qiyam-i jahan rukūh-i mihān sujood-i shahān
Niyazein yahan namazein wahan yeh kis liye haan tumhare liye
یہ شمس و قمر یہ شام و سحر یہ بَرگ و شَجر یہ باغ و ثَمر
یہ تِیغ و سِپر یہ تاج و کمر یہ حکم رواں تمہارے لئے
Yeh shams o qamar yeh shaam o sahar yeh barg o shajar yeh bagh o samar
Yeh tīg̱h o sipar yeh taj o kamar yeh hukm rawaan tumhare liye
یہ فیض دیے وہ جُود کیے کہ نام لیے زمانہ جیے
جہاں نے لیے تمہارے دیے یہ اِکرَمیاں تمہارے لئے
Yeh faize diye wo Jood kiye ke naam liye zamana jiye
Jahan ne liye tumhare diye yeh ikramiyaan tumhare liye
سحابِ کرم روانہ کیے کہ آبِ نِعَم زمانہ پیے
جو رکھتے تھے ہم وہ چاک سیے یہ سترِ بداں تمہارے لئے
Sahaab-i karam rawāna kiye ke aab-i ni'mam zamana piye
Jo rakhte the hum woh chak diye yeh satar-i badān tumhare liye
ثَنا کا نشاں وہ نور فَشاں کہ مِہروَشاں بآنہمہ شاں
بَسایہ کَشاں مَواکِب شاں یہ نام و نشاں تمہارے لئے
Sana ka nishaan woh noor fashān ke mehrwashān bāanhema shān
Basāya kashān mawākib shān yeh naam o nishaan tumhare liye
عطائے اَرَب جلائے کَرب فُیوضِ عجب بغیر طلب
یہ رحمتِ ربّ ہے کس کے سبب بَربِّ جہاں تمہارے لئے
Ataye Arab jalae karab fuyooz ajab baghair talab
Yeh rehmat-i Rabb hai kis ke sabab Bareb-i jahan tumhare liye
ذُنوب فنا عُیوب ہَبا قلوب صَفا خُطوب رَوا
یہ خوب عطا کُروب زُدا پئے دل وجاں تمہارے لئے
Zunub fana uyūb habā quloob safā ḵhutoob rawā
Yeh ḵhoob atā ḵuroob zuda paye dil o jaan tumhare liye
نہ جنّ و بشر کہ آٹھوں پہر ملائکہ در پہ بَستہ کمر
نہ جُبّہ و سَر کہ قلب و جگر ہیں سجدہ کُناں تمہارے لئے
Na jun o bashar ke aathon peher malaika dar pe bastha kamar
Na jubba o sar ke qalb o jigar hain sajda kunaan tumhare liye
نہ رُوحِ امیں نہ عرشِ بَریں نہ لَوحِ مُبیں کوئی بھی کہیں
خبر ہی نہیں جو رَمزیں کھلیں ازل کی نِہاں تمہارے لئے
Na rooh-i amīn na arsh-i barīn na lauh-i mubi̱n koi bhi kahīin
Khabar hi nahi jo ramzain khulein azal ki nihān tumhare liye
جِناں میں چمن، چمن میں سمن، سمن میں پھبن، پھبن میں دلہن
سزائے محن پہ ایسے مِنَن یہ امن و اَماں تمہارے لئے
Janaan mein chaman, chaman mein saman, saman mein phaban, phaban mein dulan
Sazae mehan pe aise manan yeh aman o amaan tumhare liye
کمالِ مہاں جلالِ شہاں جمالِ حِساں میں تم ہو عِیاں
کہ سارے جہاں میں روزِفَکان ظِلِ آئینہ ساں تمہارے لئے
Kamal-i mihān jalal-i shahān jamal-i hissan mein tum ho ayaan
Ke saare jahan mein roz-i fakaan zil-i aaina saan tumhare liye
یہ طُور کُجا سِپِہر تو کیا کہ عرشِ عُلا بھی دور رہا
جِہت سے ورا وِصال ملا یہ رفعتِ شاں تمہارے لئے
Yeh Ṭūr ḵuja sipahr tu kya ke Arsh-i ulā bhi dūr raha
Jihat se warā visal mila yeh rif'at-i shān tumhare liye
خلیل و نجی، مسیح و صَفی سبھی سے کہی کہیں بھی بنی
یہ بے خبری کہ خَلق پھری کہاں سے کہاں تمہارے لئے
Khalil o Naji, Masīh o safī sabhī se kahan kahin bhi bani
Yeh be ḵhabari ke ḵhalq phiri kahan se kahan tumhare liye
بَفَورِ صدا سماں یہ بندھا یہ سدرہ اٹھا وہ عرش جھکا
صُفوفِ سَما نے سجدہ کیا ہوئی جو اذاں تمہارے لئے
Bafoor-i sada samaan yeh badha yeh Sidrah utha wo Arsh jhuka
Sufuf-i smā ne sajda kia hui jo azaan tumhare liye
یہ مَرحمتیں کہ کچی مَتیں نہ چھوڑیں لَتیں نہ اپنی گَتیں
قصور کریں اور ان سے بھریں قصورِ جناں تمہارے لئے
Yeh marhmatain ke kachi matain na chhodain latain na apni gatain
Qasoor karain aur un se bharain qasoor-i janaan tumhare liye
فَنا بَدَرَت بَقا بَبرَتْ ز ہر دو جِہت بگردِ سَرَتْ
ہے مَرکزِیَّت تمہاری صفت کہ دونوں کماں تمہارے لئے
Fana badarat baqā babrat z har do jihat bagird-i sarat
Hai markaziyat tumhari sifat ke donon kamaan tumhare liye
اشارے سے چاند چیر دیا چھپے ہوئے خور کو پھیر لیا
گئے ہوئے دن کو عصر کیا یہ تاب و تَواں تمہارے لئے
Ishaaray se chaand cheer diya chupe hue khor ko phir liya
Gaye hue din ko asar kia yeh taab o tawaan tumhare liye
صبا وہ چلے کہ باغ پھلے وہ پھول کھلے کہ دن ہوں بھلے
لِوا کے تلے ثنا میں کھلے رضاؔکی زباں تمہارے لئے
Saba woh chale ke bagh phale woh phool khile ke din hon bhalay
Liwa ke talay sana mein khile Raza ki zubaan tumhare liye
Share This Naat
Share with friends and family
زمین و زماں تمہارے لئے مَکِین و مکاں تمہارے لئے
احمد رضا خان بریلوی