خُدا ایک ہے مصطفےٰ ایک ہے
نبی اور خُدا کی رضا ایک ہے
Khuda aik hai Mustafa aik hai
Nabi aur Khuda ki raza aik hai
عدم بھی مُحمّؐد کا عینِ وجود
حطیمِ فنا و بقا ایک ہے
Adam bhi Muhammad ka ain-e-wajood
Hatim-e-fana o baqa aik hai
چلو عرش و طیبہ کی جانب چلیں
مقامات دو ، راستہ ایک ہے
Chalo arsh-o-taybah ki janib chalay
Maqamat do, rasta aik hai
پڑھو ، تو مُحمّؐد بھی قُرآن میں
کہ مفہومِ حرف و ادا ایک ہے
Parho, to Muhammad bhi Qur’an mein
Ke mafhoom-e-harf o ada aik hai
اندھیروں کی ہیں کتنی ہی بولیاں
طلوعِ سَحر کی نوا ایک ہے
Andheron ki hain kitni hi boliyan
Tulu-e-seher ki nawa aik hai
ادھر اعتکاف اور ادھر انکشاف
فضائے حِرا و صفا ایک ہے
Idhar aitikaf aur udhar inkishaaf
Faza-e-Hira o safa aik hai
مدینہ بھی جنّت ہے میرے لیے
کہ دونوں کی آب و ہَوا ایک ہے
Madina bhi jannat hai meray liye
Ke dono ki aab o hawa aik hai
ضرور اُن کے ہاتھوں میں ہے میری ڈور
مِری اُنگلیوں میں سِرا ایک ہے
Zaroor un ke haathon mein hai meri dor
Meri ungliyon mein sira aik hai
مظفّر مُحمّؐد مُحمّؐد کرو ں
مِرا فن مِرا مُدّعا ایک ہے
Muzaffar Muhammad Muhammad karon
Mera fan mera mudda aik hai
Share This Naat
Share with friends and family
خُدا ایک ہے مصطفےٰ ایک ہے
مظفر وارثی