تُمھارے نور سے روشن زمانہ یا رسول اللہ
مرے تاریک دل کو جگمگانا یا رسول اللہ
Tumhare noor se roshan zamana ya Rasul Allah
Mere tareek dil ko jagmagana ya Rasul Allah
مجھے پھر اپنے روضے پر بُلانا یا رسول اللہ
مدینےکے حسیں منظر دِکھانا یا رسول اللہ
Mujhe phir apne rozay par bulana ya Rasul Allah
Madine ke haseen manzar dikhana ya Rasul Allah
خدا رکھے سلامت خیر سے شہرِ مدینہ کو
غریبوں بے کسوں کا ہے ٹھکانہ یا رسول اللہ
Khuda rakhe salamat khair se shehar-e-Madina ko
Ghareebon bekason ka hai thikana ya Rasul Allah
میں دردر ٹھوکریں کھاتا بھٹکتا کیوں پھروں آقا
سلامت ہے تمھارا آستانہ یا رسول اللہ
Main dar dar thokrein khata bhatkata kyun phirun aqa
Salamat hai tumhara aastana ya Rasul Allah
خدائے پاک دیتا ہے تمہیں تقسیم کرنے کو
تمہارے درکاہے ہراِک خزانہ یا رسول اللہ
Khudae pak deta hai tumhain taqseem karne ko
Tumhare dar ka hai har aik khazana ya Rasul Allah
تمہارے درکا کھاتے ہیں تمہارے درکا پیتے ہیں
تمہارا ہی توہےسب آب ودانہ یا رسول اللہ
Tumhare dar ka khatay hain tumhare dar ka peetay hain
Tumhara hi to hai sab aab o dana ya Rasul Allah
عدو کے دل پہ ویرانی سی کردیتا ہے یہ جاکر
ہمارا جھوم کے نعرہ لگانا یا رسول اللہ
Adu ke dil pe veerani si kar deta hai yeh jaa kar
Hamara jhoom ke nara lagana ya Rasul Allah
میرا دم ٹوٹ جائے گنبدِ خضرا کے سائے میں
بقیعِ پاک میں مجھ کو سُلانا یا رسول اللہ
Mera dam toot jaye gunbad-e-khazra ke saaye mein
Baqee-e-pak mein mujh ko sulana ya Rasul Allah
تمنّا ہے شہادنیا میں جب تک میں رہوں زندہ
مدینے میں رہے بس آنا جانا یا رسول اللہ
Tamanna hai shah duniya mein jab tak main rahun zinda
Madine mein rahe bas ana jana ya Rasul Allah
مسلمانوں کو پھر سے مسجدِ اقصیٰ مِلے واپس
اِنھیں اب خوابِ غفلت سے جگانا یا رسول اللہ
Muslamano ko phir se masjid-e-Aqsa mile wapas
Inhein ab khwab-e-ghaflat se jagana ya Rasul Allah
خیالی روشنی افرنگ کی برباد کرتی ہے
شہا سب اہلِ ایماں کو بچانا یا رسول اللہ
Khayali roshni Afrang ki barbaad karti hai
Shaha sab ahl-e-Imaan ko bachana ya Rasul Allah
تمنّا ہے دلِ مرزا کی جب دنیا سے ہو رُخصت
ہو اس کے لب پہ نعتوں کا ترانہ یا رسول اللہ
Tamanna hai dil-e-mirza ki jab duniya se ho rukhsat
Ho iske lab pe naaton ka tarana ya Rasul Allah
Share This Naat
Share with friends and family
تُمھارے نور سے روشن زمانہ یا رسول اللہ
مرزا جاوید بیگ عطاری