قرینے میں ہر اک نِظام آگیا ہے
وہ آئے تو گردش میں جام آگیا ہے
Qareene mein har ek nizam aagaya hai
Woh aaye to gardish mein jam aagaya hai
مِرا غمکدہ رشکِ جنت بنا ہے
تصوّر میں بابُ السَّلام آگیا ہے
Mera ghamkada rashke jannat bana hai
Tasawwur mein babul-salam aagaya hai
مِرے پاس کچھ بھی نہ تھا روز ِ محشر
نبیؐ کا وسیلہ ہی کام آگیا ہے
Mere paas kuchh bhi na tha roz-e-mahshar
Nabi ka wasila hi kaam aagaya hai
مجھے مِل گئی ہے دو عالم کی شاہی
مِرا اُن کے منگتوں میں نام آگیا ہے
Mujhe mil gayi hai do alam ki shahi
Mera unke mangton mein naam aagaya hai
مَزا جب ہے سرکار محشر میں کہدیں
وہ دیکھو ہمارا غلام آگیا ہے
Maza jab hai sarkar mahshar mein kah dein
Woh dekho hamara ghulam aagaya hai
مدینے کی جانب قدم اٹھ رہے ہیں
حُضوری کا مجھ کو پیام آگیا ہے
Madine ki jaanib qadam uth rahe hain
Huzoori ka mujh ko payam aagaya hai
جہاں چِھڑ گیا ذِکر شاہِ مدینہ
لبوں پر دُرود و سلام آگیا ہے
Jahan chhid gaya zikr-e-shah-e-madina
Labon par durood o salam aagaya hai
چراغاں ہوا بزمِ ہستی میں خالِدؔ
نگاہوں میں حُسنِ تمام آگیا ہے
Charaghan hua bazm-e-hasti mein Khalid
Nigahon mein husn-e-tamam aagaya hai
Share This Naat
Share with friends and family
قرینے میں ہر اک نِظام آگیا ہے
خالد محمود خالد