غنچہ ِ نعت جو ہونٹوں پہ چٹک جاتا ہے
وادئ جاں کا ہر اک گوشہ مہک جاتا ہے
Ghuncha-e-naat jo honto pe chatak jata hai
Waadi-e-jaan ka har ik gosha mehak jata hai
یہ تو چلتا ہے پتا شہرِ مدینہ جا کر
کیسے انسان کوئی تا بہ فلک جاتا ہے
Yeh to chalta hai pata shehr-e-madina ja kar
Kaise insaan koi taa beh falak jata hai
جو نہیں رکھتا نظر نقشِ قدم پہ اُن کے
ایسا انسان اندھیرو ں میں بھٹک جاتا ہے
Jo nahi rakhta nazar naqsh-e-qadam pe unke
Aisa insaan andheron mein bhatak jata hai
اب نہیں کوئی بھی منزل مرے دل کی منزل
یہ تو سرکار کی دہلیز تلک جاتا ہے
Ab nahi koi bhi manzil mere dil ki manzil
Yeh to Sarkar ki dehleez talak jata hai
ان کی توصیف کے آفاق کروں طے کیسے
طائرِ فکر مرا راہ میں تھک جاتا ہے
Un ki tauseef ke aafaq karun taye kaise
Tair-e-fikar mera raah mein thak jata hai
عندلیبان ِ ریاض نبوی میں میں ہے صبیحؔ
بزمِ مدحت نظر آئے تو چہک جاتا ہے
Andaliban-e-riyaaz-e-nabvi mein hai Sabeeh
Bazm-e-madihat nazar aaye to chehak jata hai
Share This Naat
Share with friends and family
غنچہ ِ نعت جو ہونٹوں پہ چٹک جاتا ہے
سید صبیح الدین صبیح رحمانی