الہام کی رم جھم کہیں بخشش کی گھٹا ہے
یہ دل کا نگرہے کہ مدینے کی فضا ہے
Ilhaam ki rim jhim kahin bakhshish ki ghata hai
Yeh dil ka nagar hai ke Madine ki fiza hai
سانسوں میں مہکتی ہیں مناجات کی کلیاں
کلیوں کے کٹوروں پہ ترا نام لکھا ہے
Saanson mein mehakti hain manajat ki kaliyan
Kaliyon ke katoron pe tera naam likha hai
آیات کی جھرمٹ میں ترے نام کی مسند
لفظوں کی انگوٹھی میں نگینہ سا جڑا ہے
Aayaat ki jhurmat mein tere naam ki masnad
Lafzon ki anguthi mein nageena sa jura hai
اب کو ن حدِ حسن طلب سوچ سکے گا
کونین کی وسعت تو تہ دستِ دعا ہے
Ab koi had-e-husn talabb soch sake ga
Konaain ki wusat to teh dast-e-dua hai
ہے تیری کسسک میں بھی دمک حشر کے دن کی
وہ یوں کہ مرا قریہ جاں گونج اُٹھا ہے
Hai teri kissak mein bhi damak hashr ke din ki
Wo yun ke mera qariya-e-jaan goonj utha hai
خورشید تری راہ میں بھٹکتا ہوا جگنو
مہتاب ترا ریزہ نقشِ کفِ پا ہے
Khursheed teri raah mein bhatakta hua jugnoo
Mehtab tera reeza naqsh-e-kaf-e-pa hai
واللیل ترے سایہ گیسو کا تراشا
والعصر تری نیم نگاہی کی ادا ہے
Wal-lail tere saaya geesu ka tarasha
Wal-asr teri neem nigahi ki ada hai
لمحوں میں سمٹ کر بھی ترا درد ہے تازہ
صدیوں میں بکھر کر بھی ترا عشق نیا ہے
Lamhon mein simat kar bhi tera dard hai tazah
Sadiyon mein bikhar kar bhi tera ishq naya hai
یا تیرے خدوخال سے خیرہ مہ و انجم
یا دھوپ نے سایہ ترا خود اُوڑھ لیا ہے
Ya tere khudokhaal se kherah mah-o-anjum
Ya dhoop ne saaya tera khud oorh liya hai
یا رات نے پہنی ہے ملاحت تری تن پر
یا دن ترے اندازِ صباحت پہ گیا ہے
Ya raat ne pehni hai malahatt teri tan par
Ya din tere andaaz-e-sabahatt pe gaya hai
رگ رگ نے سمیٹی ہے ترے نام کی فریاد
جب جب بھی پریشان مجھے دنیا نے کیا ہے
Rag rag ne samaitti hai tere naam ki fariyaad
Jab jab bhi pareshan mujhe duniya ne kiya hai
خالق نے قسم کھائی ہے اُس شہر اماں کی
جس شہر کی گلیوں نے تجھے ورد کیا ہے
Khaliq ne qasam khai hai us sheher amaan ki
Jis sheher ki galiyun ne tujhe werd kiya hai
اِک بار ترا نقشِ قدم چوم لیا تھا
اب تک یہ فلک شکر کے سجدے میں جھکا ہے
Ik baar tera naqsh-e-qadam choom liya tha
Ab tak yeh falak shukr ke sajde mein jhuka hai
دل میں ہو تری یاد تو طوفاں بھی کنارہ
حاصل ہو ترا لطف تو صرصر بھی صبا ہے
Dil mein ho teri yaad to toofaan bhi kinara
Haasil ho tera lutf to sarsar bhi saba hai
غیروں پہ بھی الطاف ترے سب سے الگ تھے
اپنوں پہ نوازش کا بھی انداز جدا ہے
Ghairon pe bhi alfaaz tere sab se alag the
Apnon pe nawazish ka bhi andaaz juda hai
ہر سمت ترے لطف و عنایات کی بارش
ہر سو ترا دامانِ کرم پھیل گیا ہے
Har simt tere lutf-o-inayat ki baarish
Har soo tera daaman-e-karam phail gaya hai
ہے موجِ صبا یا ترے سانسوں کی بھکارن
ہے موسم گل یا تری خیراتِ قبا ہے
Hai mouj-e-saba ya tere saanson ki bhikaran
Hai mausam-e-gul ya teri khairaat-e-qaba hai
سورج کو اُبھرنے نہیں دیتا ترا حبشی
بے زر کو ابوذر تیری بخشش نے کیا ہے
Sooraj ko ubharne nahi deta tera habshi
Be zar ko Abuzar teri bakhshish ne kiya hai
ثقلین کی قسمت تری دہلیز کا صدقہ
عالم کا مقدر ترے ہاتھوں پہ لکھا ہے
Saqlain ki qismat teri dehleez ka sadqa
Aalam ka muqaddar tere haathon pe likha hai
اُترے گا کہاں تک کوئی آیات کی تہہ میں
قرآن تری خاطر ابھی مصروفِ ثنا ہے
Utre ga kahan takk koi aayat ki tah mein
Quran tere khatir abhi masroof-e-sana hai
اب اور بیاں کیا ہوکسی سے تیری مدحت
یہ کم تو نہیں ہے کہ تو محبوبِ خدا ہے
Ab aur bayan kya ho kisi se teri madahatt
Yeh kam to nahi hai ke tu Mehboob-e-Khuda hai
اے گنبدِ خضرا کے مکین میری مدد کر
یا پھر یہ بتا کون میرا تیرے سوا ہے
Ae Gunbad-e-Khazra ke makeen meri madad kar
Ya phir yeh bata kon mera tere siwa hai
بخشش تری آنکھوں کی طرف دیکھ رہی ہے
محسؔن ترے دربار میں چپ چاپ کھڑا ہے
Bakhshish teri aankhon ki taraf dekh rahi hai
Mohsin tere darbaar mein chup chaap khada hai
Share This Naat
Share with friends and family
الہام کی رم جھم کہیں بخشش کی گھٹا ہے
محسن نقوی