راحت بجاں معطّر وہ دل فزا تھا ہاتھ
عنبر فشاں ہو جیسے وہ مخملیں سا ہاتھ
Rahat bajaaan muattar wo dil fizzza tha haath
Anbar fishaan ho jaise wo makhmaleen sa haath
جذبہ طلب کا مجھ میں ہوتا نہ تھا کبھی
رحمت نے اس کی بڑھ کر تھاما تھا میرا ہاتھ
Jazba talab ka mujh mein hota na tha kabhi
Rehmat ne us ki barh kar thaama tha mera haath
گل کی لطافتیں ہیں جس پر نثار پیہم
ہے کتنا نرم و نازک میرے نبی کا ہاتھ
Gul ki latafatein hain jis par nisaar paiham
Hai kitna naram o naazuk mere Nabi ka haath
دامن میں لے کے خوشبو زلفِ حبیب کی
خوشبوئیں بانٹتا ہے دستِ صبا کا ہاتھ
Daaman mein le ke khushboo zulf-e-habeeb ki
Khushbooien baant'ta hai dast-e-saba ka haath
شاہوں کی بھیڑ ہے کیوں در پرلگی ہوئی
اٹھا ہے شاید ان کی جود و سخا کا ہاتھ
Shahon ki bheer hai kyu dar par lagi hui
Utha hai shaayad un ki jood o sakha ka haath
آؤ کریم کے در دنیا کے غمزدو
ہر غم کو ٹالتا ہے اس غم کشا کا ہاتھ
Aao kareem ke dar duniya ke ghamzadoo
Har gham ko talta hai us gham kusha ka haath
میری نجات کو بس کافی ہے یہ ظفر
رہتا ہے سر پہ میرے آلِ عبا کا ہاتھ
Meri najaat ko bas kafi hai ye Zafar
Rehta hai sar pe mere aal-e-aba ka haath
Share This Naat
Share with friends and family
راحت بجاں معطّر وہ دل فزا تھا ہاتھ
محمد ظفراقبال نوری