جیون دا مزه آوے سرکار دے در اُتے
دُکھ دور چلا جاوب سرکار دے در اُتے
Jeevan da maza aave Sarkar de dar utay
Dukh door chala jaave Sarkar de dar utay
چُم گنبد خِضریٰ نوں لہرا کے جدوں چل دی
ہوا ساہواں نوں مہکاوے سرکار دے در اُتے
Chum Gumbad Khizra nu lehra ke jadon chal di
Hawa saahwaan nu mehekaave Sarkar de dar utay
دُھپ جاندے گنہ سارے مٹ جاندی خطا ہر اک
مُجرم جدوں شرماوے سرکار دے در اُتے
Dhhup jaande gunah saare mit jaandi khata har ik
Mujrim jadon sharmaave Sarkar de dar utay
ظلمت دی سیاہی نوں لنگھن دا نہیں راہ کوئی
انوار دا پہرا وبے سرکار دے در اُتے
Zulmat di siyahi nu langhan da nahi raah koi
Anwaar da pehra vabay Sarkar de dar utay
رحمت دے سمندر توں بخشش دی شفاعت دی
ہر منگتا سند پاوے سرکار دے در اُتے
Rehmat de samandar ton bakhshish di shafa'at di
Har mangta sandh paave Sarkar de dar utay
الله وے کرم تائیں جیہڑا اے پسند اوندا
اوہ رکھ کے ناں سر چاوے سرکار دے در اُتے
Allah ve karam taain jehra ae pasand onda
Oh rakh ke naan sar chaave Sarkar de dar utay
ہن ایہو تمنا ایں جِند جان ایہہ سب صائم
سرکار دے ناں لاوے سرکار دے در اُتے
Hun eho tamanna ain jind jaan eh sab Saaim
Sarkar de naan laave Sarkar de dar utay
Share This Naat
Share with friends and family
جیون دا مزه آوے سرکار دے در اُتے
علامہ صائم چشتی