لمحہ لمحہ شمار کرتے ہیں
آپ کا انتظار کرتے ہیں
Lamhah lamhah shumaar karte hain
Aap ka intezaar karte hain
ان پہ راضی خدا کی ذات ہوئی
مصطفیٰ سے جو پیار کرتے ہیں
Un pe raazi Khuda ki zaat hui
Mustafa se jo pyaar karte hain
ان کی الفت میں خوش نصیب ہیں وہ
جان و دل جو نثار کرتے ہیں
Un ki ulfat mein khush naseeb hain woh
Jaan o dil jo nisaar karte hain
ان کے در کا فقیر ہوں، جن کی
چاکری تاجدار کرتے ہیں
Un ke dar ka faqeer hoon, jin ki
Chaakri taajdaar karte hain
میں خطا بار بار کرتا ہوں
وہ کرم بار بار کرتے ہیں
Main khata baar baar karta hoon
Woh karam baar baar karte hain
مدحتِ مصطفیٰ ہے سرمایہ
ہم یہی کاروبار کرتے ہیں
Midhat-e-Mustafa hai saarmaya
Hum yehi kaarobaar karte hain
بات ان کی سدا کریں گے ہم
لوگ باتیں ہزار کرتے ہیں
Baat un ki sada karenge hum
Log baatein hazaar karte hain
ان کے غم میں ظہوری چین ملے
چارہ گر بے قرار کرتے ہیں
Un ke gham mein Zahoori chain mile
Chaara gar beqaraar karte hain
Share This Naat
Share with friends and family
لمحہ لمحہ شمار کرتے ہیں
محمد علی ظہوری