آدمی کیا پتھروں پر بھی اَثر انداز ہے
آپؐ کی آواز میں اللہ کی آواز ہے
Aadmi kya pathron par bhi asar andaaz hai
Aapؐ ki aawaz mein Allah ki aawaz hai
آپؐ کا نقشِ کف پا دیکھنا کارِ ثواب
آپؐ کے قدموں کی مٹی چُومنا اعزاز ہے
Aapؐ ka naqsh-e-kaf pa dekhna kar-e-sawab
Aapؐ ke kadmon ki mitti choomna aizaaz hai
منکشف کی آپؐ نے کیا کیا نہ رمزِ کائنات
آپؐ کی ذاتِ مقدس کاشف صد راز ہے
Munkashif ki aapؐ ne kya kya na ramz-e-kainaat
Aapؐ ki zaat-e-muqaddas kashif sad raaz hai
آپؐ کی تشکیل پر دَستِ ہنر ہے مطمئن
آپؐ کی تشکیل پر دستِ ہنر کو ناز ہے
Aapؐ ki tashkeel par dast-e-hunar hai mutma'in
Aapؐ ki tashkeel par dast-e-hunar ko naaz hai
سب سے بڑھ کر ہے مؤثر سب سے بڑھ کر ہے خلیق
آپؐ کی آواز بے شک آخری آواز ہے
Sab se barh kar hai mo'ssir sab se barh kar hai khaliq
Aapؐ ki aawaz be shak aakhiri aawaz hai
کس قدر بے مثل و ارفع ہے سواری آپ کی
کس قدر بے مثل و ارفع آپؐ کی پرواز ہے
Kis qadar be misal-o-arfa hai sawari aap ki
Kis qadar be misal-o-arfa aapؐ ki parwaaz hai
Share This Naat
Share with friends and family
آدمی کیا پتھروں پر بھی اَثر انداز ہے
انجم نیازی