نظر کے ریگزاروں کو متاعِ نقش پا دے دو
میں ہوں تاریک راہوں میں اُجالوں کا پتا دے دو
Nazar ke regaron ko mata'a-e naqsh pa de do
Main hoon tareek raahon mein ujalo ka pata de do
اس عہد جبر میں ہر سُو محبت کی اذاں گونجے
ہمیں ایسی دعا پھر اے حبیب کبریا دے دو
Is ahd-e jabr mein har soo mohabbat ki azaan goonjay
Humein aisi dua phir ae habib-e kubria de do
جہالت کے اندھیروں کی فصیلیں جس سے گر جائیں
مرے ہاتھوں کو ایسا عِلم کا روشن دیا دے دو
Jahalat ke andheron ki faseelein jis se gir jayein
Mere haathon ko aisa ilm ka roshan diya de do
پھرے ہیں در بدر اے رحمت عالم کرم کر دو
سمیٹو قرب کی چادر میں قدموں میں جگہ دے دو
Phiray hain dar badar ae rehmat-e aalam karam kar do
Smito qurb ki chadar mein qadmon mein jagah de do
سنا ہے دامن عصیاں کو دھو دیتے ہیں آنسو بھی
مری آنکھوں کو بھی اک چشمہء آبِ بقا دے دو
Suna hai daaman-e isyaan ko dho dete hain aansoo bhi
Meri ankhon ko bhi ik chashma-e aab-e baqa de do
وہ جس پہ چل کے طرز حضرتِ حسّان ملتی ہے
مرے لفظوں کو ایسی شاہراہِ ارتقاء دے دو
Woh jis pe chal ke tarz Hazrat-e Hassaan milti hai
Mere lafzon ko aisi shahraah-e irtiqa de do
لکھے سب پھول جیسے لفظ سوچے چاند سے مضموں
صبیحِؔ نعت گو کو نعت کا لہجہ نیا دے دو
Likhe sab phool jaise lafz soche chaand se mazmoon
Sabih-e naat go ko naat ka lehja naya de do
Share This Naat
Share with friends and family
نظر کے ریگزاروں کو متاعِ نقش پا دے دو
سید صبیح الدین صبیح رحمانی