آنسو جو آئے آنکھ میں مثلِ گُہر لگے
ختمِ رُسُلؐ کی یاد سے ہم معتبر لگے
Aan'soo jo aaye aankh mein misl-e-guhar lage
Khatm-e-Rusul ﷺ ki yaad se hum motabar lage
اُس کے لیے دیارِ نبیؐ ہے پناہ گاہ
ٹھوکر قدم قدم پہ جسے در بدر لگے
Us ke liye dayaar-e-Nabi ﷺ hai panah gah
Thokar qadam qadam pe jise dar badar lage
دیکھے جو کوئی چشمِ حقیقت سے اِس طرف
خُلدِ بریں سے بڑھ کے مُحمدؐ کا گھر لگے
Dekhe jo koi chashm-e-haqeeqat se is taraf
Khuld-e-bareen se barh ke Muhammad ﷺ ka ghar lage
پرواز فکر کیا کہوں نعتِ رسولؐ میں
لُطفِ خدا سے طائرِ بے پَروا کو پر لگے
Parwaaz-e-fikr kya kahun naat-e-Rasool ﷺ mein
Lutf-e-Khuda se tair-e-bay parwa ko par lage
رُوئے نبیؐ کی ایک جھلک ماند کر گئی
دُنیا کے سب چراغ، چراغِ سحر لگے
Roo'e Nabi ﷺ ki aik jhalak maand kar gayi
Duniya ke sab charaagh, charaagh-e-sehar lage
آتی ہے روز گُنبدِ خَضرٰی کو چُوم کر
کیوں کر ہمیں نہ بادِ صبا معتبر لگے
Aati hai roz gunbad-e-khazra ko choom kar
Kyun kar humein na baad-e-saba motabar lage
آقا ہمارے سرورِؐ کونین ہیں نصیرؔ
دونوں جہان میں ہمیں اب کس کا ڈر لگے
Aaqa humare Sarwar-e-Kounain ﷺ hain Naseer
Dono jahan mein humein ab kis ka darr lage
Share This Naat
Share with friends and family
آنسو جو آئے آنکھ میں مثلِ گُہر لگے
سید نصیرالدیں نصیر