خیال و خواب میں ایسے سمائی رفعتِ نعت
کہ وقتِ مرگ بھی لب پر ہے آئی رفعتِ نعت
khayaal o khwab mein aise samaai rufat-e-naat
ke waqt-e-marg bhi lab par hai aai rufat-e-naat
کلامِ ربِ دو عالم حضورؐ پر اترا
ہے گویا اس نے جہاں کو دکھائی رفعتِ نعت
kalaam-e-Rab-e-do aalam huzurؐ par utra
hai goya is ne jahaan ko dikhai rufat-e-naat
خدا کے عرش پہ مہمان بن کے آپؐ گئے
تمام وصف گروں کو سجھائی رفعتِ نعت
Khuda ke arsh pe mehmaan ban ke aapؐ gaye
tamaam wasf giron ko sujhai rufat-e-naat
رُوئیں رُوئیں سے ہمارے ہے پھوٹتی مدحت
ہماری روح میں حق نے گھلائی رفعتِ نعت
ruuien ruuien se hamare hai phooti madhat
hamari rooh mein Haq ne ghulai rufat-e-naat
فلک کے چاند ستارے بھی ماند پڑنے لگے
جب ان کے اوج سے حق نے بڑھائی رفعتِ نعت
falak ke chaand sitare bhi maand padne lage
jab un ke oaj se Haq ne barhai rufat-e-naat
ہر اک سخن کی فزوں قدر ہو گئی اس سے
ہر ایک صنفِ ادب کی بھلائی رفعتِ نعت
har ek sakhan ki fazun qadr ho gayi is se
har aik sinni-e-adab ki bhalaai rufat-e-naat
رہی ہے وقفِ ثنا زندگی خوشا اپنی
تمام عمر ہی ہم نے کمائی رفعتِ نعت
rahi hai waqf-e-sana zindagi khusha apni
tamaam umr hi hum ne kamai rufat-e-naat
ہیں محوِ کارِ ثنا حور و قدسی و غلماں
ہے رب نے خلدِ بریں میں بسائی رفعتِ نعت
hain mahow-e-kar-e-sana hoor o qudsi o ghilman
hai Rab ne khuld-e-bareen mein basaai rufat-e-naat
سجا سکے نہ اسے نیکیوں سے جب طاہرؔ
تو ہم نے فردِ عمل میں سجائی رفعتِ نعت
saja sake na ise nekiyon se jab Tahirؔ
to hum ne fard-e-amal mein sajai rufat-e-naat
Share This Naat
Share with friends and family
خیال و خواب میں ایسے سمائی رفعتِ نعت
پروفیسر محمد طاہر صدیقی