مسرت، شادمانی، اور شہرت بھی میسر ہے
مِرے دامن میں جو ہے صدقۂ نعتِ پیمبر ہے
Masarrat, shaadmaani, aur shuhrat bhi mayassar hai
Mire daman main jo hai sadqa-e-naat-e-Peghambar hai
بجا زاہد مِرے اعمال کا دفتر سیہ تر ہے
بھروسا بھی تو مجھ کو رحمتہ للعالمیں پر ہے
Baja zahid mire aamaal ka daftar siya tar hai
Bharosa bhi to mujhe rehmatul lil aa’lamin par hai
تصور کے قدم جاکر جہاں دم توڑ دیتے ہیں
مقام اُن کا وہاں سے اور اوپر اور اوپر ہے
Tasawwur ke qadam jakar jahan dum tod dete hain
Maqaam unka wahan se aur upar aur upar hai
شہِ بطحاٰ کی زلفیں آیتِ والیل کی تفسیر
وضاحت والضحیٰ کی آپ کا روئے منور ہے
Sheh-e-Bat’haa ki zulfen aayat-e-wal lail ki tafseer
Wazahat wad’dhuha ki aap ka roo’e munaw’war hai
کہا کفار نے ابتر تو قرآں یہ پکار اُٹھا
حقیقت میں رسول اللہ کا دشمن ہی ابتر ہے
Kaha kuffar ne ab’tar to Qur’an yeh pukaar utha
Haqeeqat main Rasool Allah ka dushman hi ab’tar hai
جبیں گِھستا ہے سورج مصطفےٰ کے در پہ آ آ کر
تبھی تو آسماں پر اس قدر اتنا منور ہے
Jabeen ghista hai sooraj Mustafa ke dar pe a a kar
Tabhi to aasmaan par is qadar itna munaw’war hai
پسینہ جس دلہن نے مل لیا حضرت محمدﷺ کا
پھر اُس کی سات نسلوں تک ہر اک بچہ منور ہے
Pasina jis dulhan ne mal liya Hazrat Muhammad ﷺ ka
Phir us ki saat naslon tak har aik bacha munaw’war hai
جمالِ مصطفےٰ کا تو تصور بھی نہیں ممکن
قمر کیا ہے؟ فقط عکسِ کفِ پائے منور ہے
Jamaal-e-Mustafa ka to tasawwur bhi nahin mumkin
Qamar kya hai? Faqat aks-e-kaf-e-paaye munaw’war hai
شفیقؔ آکر فرشتے قبر میں کہدیں تو کیا کہنا
اِسے آرام کرنے دو نبی کا یہ ثنا گر ہے
Shafeeq aakar farishte qabar mein keh dein to kya kehna
Isay aaram karne do Nabi ka yeh sana gar hai
Share This Naat
Share with friends and family
مسرت، شادمانی، اور شہرت بھی میسر ہے
شفیق ؔ رائے پوری